«Kóp jyldar boıy Qazaqstandaǵy jalǵyz, Ortalyq Azııadaǵy iri qalaıy ken oryndarynyń biri — Syrymbet zerteldi. Bıyl mamyr aıynda ashý jumystary júrgizilmek. 2018 jyly ınvestısııa kólemi 4 mlrd. teńgeni quramaq. Joba tolyq kúshine 2021 jyly engizilip, jalpy ınvestısııa kólemi 100 mlrd. teńgege jetpek. Bizdiń óńir úshin úlken jetistik bolady» dedi Qumar Aqsaqalov.
Oblystaǵy basty kásiporyndar — «PAMJ» jáne «Kırov zaýyty» damýdyń jańa satysyna shyǵýda. Zaýyttardy jańǵyrtýǵa 6,7 mlrd. teńge bólindi.
«Elbasy qoldaýynyń arqasynda sońǵy 10 jylda zaýyttardy jańǵyrtý jumystary bastaldy. Osynyń arqasynda kásiporyndar elde shyǵarylmaıtyn ónimderdi óndire bastamaq. Turmystyq tehnıkaǵa arnalǵan qurylǵy, aqparattyq qaýipsizdik qondyrǵylary shyǵarylady. Zaýyttardyń jumys isteýi aldaǵy 3 jylda ónim kólemin 40% ósirýge múmkindik bermek» dedi Qumar Aqsaqalov.
«Bıoopereıshn» zaýytynyń iske qosylýy óńir enomıkasyna qan júgirtti. Krahmal men kilegeı sehi iske qosyldy. Jeltoqsanda bıoetanol shyǵaratyn seh jumysyn bastaıdy. О́ńirde qaıtalama polımer óńdeıtin biregeı zaýyt ashyldy.
Sheteldik ınvestorlardyń qatysýymen jem jáne aǵash óndiretin zaýyt, bıdaı óńdeıtin zaýytty salý josparda bar. Zamanaýı Data-ortalyq salý kózdelgen, ınvestısııa kólemi 27 mlrd. teńge. Qazir óńirde 7 iri ınvestısııalyq joba ázirlenýde. Eki jyldan soń óńir ekonomıkasyna 80 mlrd. teńge ınvestısııa quıylyp, 1500 adam jumyspen qamtylmaq.
