– Gonkong polıtexnıkalyq ýnıversıtetinde oqý aǵylshyn tilinde júredi. Olar álem boıynsha baıqaý jarııalap, talapty jastardy izdeıdi. Bıylǵy baıqaýdyń alǵashqy kezeńi 2018 jyly qarashanyń 20-da bastaldy. Bizdiń oqýshylar qujattary men emtıxan nátıjelerin sol kezde tapsyrdy. Bul baıqaýǵa qatysyp, grant ıegeri ataný úshin birqatar xalyqaralyq emtıxan nátıjelerimen qosa ártúrli baǵyttaǵy dıplomdardyń bolýyn talap etedi. Oraldyq oqýshylar «SAT» atty standarttalǵan álemdik emtıxan nátıjelerin jibergen edi. Barlyq qujatty qabyldap alǵan soń 2 aptadan keıin ýnıversıtet professorlary oraldyq oqýshylarǵa habarlasyp, Skype arqyly suhbat aldy. Áńgime barysynda talapkerdiń oı-órisi, tańdaýy, bolashaq mamandyǵy týraly ártúrli suraq qoıyldy. О́ıtkeni talapkerdiń grantqa ıe bolýy onyń joǵary akademııalyq úlgerimine ǵana baılanysty emes. Áńgimelesý kezinde ózin jaqsy jaǵynan kórsetkeni de esepke alynady – deıdi Oraldaǵy Nazarbaev zııatkerlik mektebiniń baspasóz hatshysy Aıdana Hamıdýllına.
Gonkong polıtexnıkalyq ýnıversıtetiniń grant baıqaýyna qatysýshylarǵa jan-jaqty saraptamadan ótken soń aqyly túrde oqýǵa usynys, jartylaı grant nemese tolyq grant usynylady. Oraldyq úsh oqýshy da tolyq grantqa ıe bolǵan. Bul stýdenttiń oqý aqysyn, jataqxananyń tólemaqysyn qamtıdy. Sonymen qatar aı saıyn jolaqy jáne basqa shyǵyndardy óteýge shákirtaqy beriledi.
– Meniń tańdaǵan mamandyǵym – «Food Safety and Technology» dep atalady. Bul mamandyq ıesi ártúrli mekemedegi taǵamdardyń qaýipsizdigin sanıtarlyq standarttarǵa sáıkestigin tekserýmen aınalysady. Qaýipsiz azyq-túlikpen qamtamasyz etýde bul mamandyqtyń mańyzy zor. Ýnıversıtet bitirgen soń zerthanada ǵylymı izdenister júrgizý, qonaqúı nemese meıramxanalardyń taǵamdaryn tekserý baǵytynda qyzmet atqarý, lısenzııalaý múmkindigi bar, – deıdi Mádına Muratova.
«Zııatkerlik mektep oqýshylarynyń shetel ýnıversıtetteri granty úshin qujat tapsyrý jumysy jalǵasýda. Túlekter ásirese AQSh, Fınlıandııa, Vengrııa, Ispanııa, Túrkııa jáne Japonııa elderindegi oqý oryndaryna basymdyq berip otyr», deıdi mekteptiń kásiptik baǵyt-baǵdar berý boıynsha keńesshisi Narıman Ishmuhambetov.
Aıta keteıik, 2017-2018 oqý jyly Oraldaǵy zııatkerlik mektepti támamdaǵan 85 túlektiń 33-i AQSh, Ulybrıtanııa, Fınlıandııa, Italııa, Qytaı, Túrkııa, Vengrııa, Aýstrııa elderindegi ýnıversıtetterdiń grantyna ıe bolǵan.
Qazbek QUTTYMURATULY,
«Egemen Qazaqstan»
Batys Qazaqstan oblysy
