Aımaqtar • 22 Aqpan, 2019

Túrkistan: Báıdibekte jylyna 70 mln kirpish óndiretin zaýyt salynady

587 ret

kórsetildi

1 mın

oqý úshin

Túrkistan oblysy Báıdibek aýdanynyń ákimi Baqytbek Tanagózov Irandyq «Faradid Meehan» kompanııasynyń halyqaralyq baılanys jónindegi dırektory Abdolreza Shohýd Talabpen kezdesti. Sondaı-aq, kezdesýge «Source Invest Company» JShS-ń baqylaýshylar keńesiniń tóraǵasy Oralbek Bul týraly Botbaı qatysty. Túrkistan oblysy ákiminiń baspasóz qyzmeti habarlady.

Túrkistan: Báıdibekte jylyna 70 mln kirpish óndiretin zaýyt salynady

Irandyq ınvestormen kezdesýde aýdan basshysy aldaǵy ýaqytta yntymaqtastyq aıasynda tyǵyz jumys jasaıtynyn jetkizdi. О́z kezeginde Irandyq Abdolreza Shohýd bastapqyda aýdanǵa 10 mln. AQSh dollary kóleminde ınvestısııa salyp, kirpish zaýytyn ashyp, yntymaqtastyq ornatýǵa daıyn ekenin aıtty. Eki jaqty kezdesý nátıjesinde, Báıdibek aýdanynyń ákimdigi men Irandyq «Faradid Meehan» kompanııasy jáne “SPK “ Túrkistan AQ fılıaly arasyndaǵy memorandým túzildi.

Atalǵan qujat aıasynda Báıdibek aýdany Boraldaı aýyldyq okrýgindegi ındýstrıaldy aımaqtan 5 ga jer bólinip, kirpish zaýytynyń qurylysy júretin bolady.

Aıta keterligi, ırandyq ınvestor aýdannan soǵylatyn zaýytta kirpishtiń 7 túrin shyǵarmaq. Onda 200-ge jýyq adam jumyspen qamtylyp, zaýyttan 1 aıda 4-5 mln. dana, jylyna 60-70 mln. dana kirpish óndiriletin bolady. Irandyq ınvestor aldaǵy jyly qosymsha 10 mln. AQSh dollary kóleminde ınvestısııa quıyp, 200 kottedjdik jańa qalashyq salmaq.