Aýdandaǵy «Kaz-Aqua» seriktestiginiń mamandary bul máseleniń sheshimin taýypty. Sharýashylyq ózen sýyna artızan qudyqtyń sýyn qosyp, balyqtyń qalypty ómir súrýine qolaıly jaǵdaı jasap qoıǵan. Qazir munda bekire tuqymdas balyqtyń birneshe túri qoldan kóbeıip jatyr.
«Kaz-Aqua» balyq sharýashylyǵynyń qaramaǵynda 2 balyq ósirý bazasy bar eken. Bul jerde 15 adam bekire balyǵyn balasha «baǵyp-qaǵyp», tuqymyn kóbeıtýmen aınalysady. Taý sýy men jerasty sýynyń quramy ásirese farel balyǵynyń ýyldyryq shashýyna qolaıly eken. Qazir tabıǵı jolmen kóbeıgen balyqtyń sany ósti. Nátıjesinde aýmaqtaǵy balyq pen balyq ónimderine suranys ótelip, tabys artyp keledi. Sharýashylyq balyqtyń qoregine qajetti qospany shetelden aldyrady eken.
- Jylyna 100 tonna balyq ónimderin daıyndaýdy josparlaǵan «Kaz-Aqua» jaýapkershiligi shekteýli seriktestigi aldaǵy ýaqytta balyq ónimderin qaıta óńdeıtin seh salmaqshy. Sondaı-aq, bolashaqta arnaıy týrıstik aımaq ashylyp, kelgen qonaqtarǵa balyq aýlaıtyn múmkindik qarastyrylady. Endi Jazıraly Jarkent óńirinde Kaspııge barmaı-aq bekire balyǵyn aýlaýǵa múmkindik bar, - dedi bizdi balyq shaýashylyǵynyń jaı-kúıimen tanystyrǵan Panfılov aýdany ákiminiń baspasóz hatshysy Nurbol Qanaǵat.
Qalmahanbet MUQAMETQALI,
«Egemen Qazaqstan»
Almaty oblysy
