Endi Jetisý jurty «Qazaqstannyń 100 jańa esimi» jobasynyń jeńimpazy bolǵan jerlesterine qurmet kórsetýdi bastady. Keshe Taldyqorǵan qalasyndaǵy Dostyq úıinde aqynmen kezdesý ótti. Kezdesýdi Qazaqstan halqy assambleıasynyń Almaty oblystyq atqarýshy hatshylyǵy uıymdastardy. Erkin áńgime, ásem án, kórkem jyr keshine ulasqan kezdesýde qaladaǵy oqý oryndarynyń stýdetteri, óńirdi mekendeıtin dıasporalardyń ókilderi men jetisýlyq aqyn-jazýshylar Maqpal Mysaǵa saýal qoıyp, shyǵarmashylyǵyna qanyq boldy.
- «Qazaqstannyń 100 jańa esimi» jobasynda bizdiń oblys osymen ekinshi ret top jardy. Byltyr jas kásipker, aıaýly taǵdyr ıesi Erbol Baıalyshbaev baýyrymyz jeńimpaz bolǵan. Bıyl aqyn Maqpal Mysa úzdik shyqty. Bul elimizdiń jarqyn oıly jastary arasynda jetisýlyqtardyń da úlesi joǵary ekenin aıǵaqtaıdy, - deıdi Qazaqstan halqy assambleıasynyń Almaty oblystyq atqarýshy hatshylyǵynyń meńgerýshisi Ǵabıt Tursynbaı.
Qalmahanbet MUQAMETQALI,
«Egemen Qazaqstan»
Almaty oblysy
