Kezdesý barysynda taraptar qala ınfraqurylymyn modernızsııalaý men megapolıske halyqaralyq nesıelik reıtıng berý jóninde halyqaralyq IFC qarjy korporasııasynyń keńesshi qyzmetin kórsetýi týraly kelisimge qol qoıdy.
Megapolıs basyshysy IFC qarjy korporasııasynyń memlekettik-jekeshelik áriptestik qaǵıda jáne qalanyń ınvestısııalyq kórsetkishteri boıynsha naqtyly kórinis jasaýda úlken halyqaralyq tájirıbege ıe ekenin atap ótti.
«Almatyda uzaq merzimdi sheteldik ınvestısııany qajet etetin iri ınfraqurylymdyq jobalar qolǵa alynýda. Mysaly, solardyń biri LRT qurylysy, ıaǵnı zamanaýı tramvaıdy júrgizý. MJÁ jobalarynda IFC saraptamasy jobanyń ınvestısılyq tartymdylyǵyn arttyrý qajettigin kórsetti», - dedi Baýyrjan Baıbek.
О́z kezeginde Djordjına Beıker yntymaqtastyq kelisimine qol qoıý uzaq merzimdi strategııalyq seriktestiktiń basy bolyp tabylatynyn ári Almatynyń Orta Azıaıdaǵy jetekshi megapolıs ekenine tyń serpin beretinin aıtty.
Búkilálemdik bank tobyna enetin IFC jeke sektordy qoldaıtyn iri jahandyq damý ınstıtýty bolyp tabylady. Qazaqstandaǵy IFC strategııasy ınfraqurylymdy jaqsartýǵa, dıversıfıkasııa men ekonomıkanyń básekelestigin qoldaýǵa, qarjy sektoryn jáne ShOB damytýǵa baǵyttalǵan. Bulardan ózge IFC melekettik organdarǵa, korporasııalarǵa MJÁ mehanızminiń pármendiligin kúsheıtýge qatysty konsýltasııalyq qyzmet kórsetedi.
