BANKTIŃ BIZNESTI QOLDAÝ BAǴYTY

Indýstrııa jáne saýda mınıstrliginde Prezıdent janyndaǵy Kásipkerler keńesi otyrysynyń qorytyndylary boıynsha “Samuryq-Qazyna” ulttyq ál-aýqat qory men Qazaqstannyń Damý banki ókilderiniń qatysýymen keńes ótti. Onyń barysynda otandyq bız­nesti qoldaý jáne óńdeýshi óner­ká­sipti orta jáne uzaq merzimdi ne­sıe­leý kólemin ulǵaıtý qajettiligi boıynsha jumysty kúsheıtý má­se­leleri talqylandy. Osy kúnderi QDB elimizdiń bank sektorynda uzaq merzimdi nesıeleýdiń negizgi kózderi­niń biri bolyp esepteletini belgili. Qazirgi kezde atalmysh banktiń qatysýymen shamamen 2 mlrd. AQSh dollary kóleminde otandyq kompanııalardyń 62 ınvestısııa­lyq jobasy iske asyrylýda. Ka­pı­tal rynogynda aqshalaı resýrs­tar­dyń quny ózgerýine jáne jalpy eko­nomıkalyq belsendiliktiń azaıýy­na qaramastan, QDB álemdik qarjylyq daǵdarys bastalǵan kezden buryn berilgen qaryzdar boı­ynsha syıaqy mólsherlerin art­tyrmaý, qaryzdardy merziminen buryn ótegeni úshin komıssııany óndirip almaý, klıentterdiń mindet­temelerin qaıta qurylymdaý boı­yn­sha belsendi jumys júrgizý sha­ra­laryn atqarýda. Sonymen birge, Qazaqstannyń Damý banki berilgen qaryzdar boıynsha ústeme tabys­tardy alýdy maqsat etpeıdi jáne ol ınvestısııalyq jobalardy iske asyrýdy óz jumysynyń tıimdiligi­niń basty belgisi retinde sanaıdy. Bank budan ári qaryz alýshy­lar­dyń qoldanystaǵy kásiporyn­da­ryn retke keltirýdi, sonymen birge, bıznestiń transparenttiligin qam­tamasyz etetin, memlekettiń ın­dýstrııalyq saıasatynyń basymdyq­ta­ryna sáıkes keletin jáne damý bolashaqtary bar kompanııalardyń jańa bastamalaryn qoldaýdy jalǵastyrýǵa nıet bildiredi. Elbasynyń ınvestısııalyq jobalardy uzaq merzimdi nesıeleýdi qamtamasyz etý boıynsha tapsyr­ma­syn oryndaý maqsatynda, QDB bıylǵy jyldyń naýryz aıynyń sońynda kommersııalyq bankterge bankaralyq nesıeleý túrinde jańa qarjy kózin usynady. Investısııa­lardyń kólemi 5-ten 50 mln.-ǵa deıin AQSh dollaryn quraıtyn óńirlik ınvestısııalyq jobalardy iske asyrý úshin ekinshi deńgeıli bank­terdi maqsatty jáne uzaq merzimdi qorlandyrý kózdelgen. Bul QDB-ǵa óz ınvestısııalaryn keńeıtýge múmkindik beredi, al ekinshi deń­geı­li bankter bolsa, ózderiniń kor­po­ratıvtik klıentterine ınvestısııa­lyq nesıeleýdi usyný múmkindigine ıe bolady. Qazir Úkimettiń “Samuryq-Qa­zyna” qory arqyly qoldaýy arqa­synda QDB 4 mlrd. AQSh dol­lary­na deıin syrtqy qaryzdardy el ekonomıkasyna tartý múmkin­digine ıe bolyp otyr. Sonymen, “Qazaqstannyń Damý banki” AQ bıylǵy jyldyń 26 aq­panynda ótken Kásipkerler keńe­sinde Elbasynyń bank sektoryna bergen tapsyrmalaryn eskere oty­ryp, ekonomıkanyń óńdeýshi sala­larynda ınvestısııalyq jobalardy qoldaýdy jalǵastyratyn bolady. Anyqtama úshin aıta ketsek,  2001 jyly qurylǵan “Qazaqstan­nyń Damý banki” AQ qazirgi kúni “Sa­mu­ryq-Qazyna” qorynyń quramyna ki­redi. Bank qyzmetiniń negizgi ba­ǵyttary memlekettik ın­ves­tısııalyq qyzmetti jetildirip, tıimdiligin art­tyrý, óndiristik ınfraqurylymdy jáne óńdeýshi ónerkásipti  damytý, el ekonomı­ka­syna syrtqy jáne ishki nesıe­ler­di tartýǵa qoldaý kórsetý bolyp sanalady. Dastan KENJALIN.