Májiliske kelip túsken zań jobalarynyń ishinde mindetti áleýmettik saqtandyrý týraly zań jobasy jáne oǵan ilespe zań jobasy bar. Qujat mindetti áleýmettik saqtandyrýdyń quqyqtyq, ekonomıkalyq jáne uıymdastyrýshylyq negizderin nyǵaıtýǵa baǵyttalǵan. Atap aıtqanda, mindetti áleýmettik saqtandyrý júıesine qatysý ótili men mindetti áleýmettik saqtandyrý qorynan tólenetin áleýmettik tólemderdiń mólsheri arasyndaǵy ózara baılanysty kúsheıtý.
Sondaı-aq, jalpy otyrysta Májilis depýtattary «Qazaqstan Respýblıkasy men Vetnam Sosıalıstik Respýblıkasy arasyndaǵy qylmystyq ister boıynsha ózara quqyqtyq kómek týraly shartty ratıfıkasııalaý týraly» zań jobasyn maquldady. Shartty ratıfıkasııalaý qylmyspen kúreste eki el arasyndaǵy yntymaqtastyqtyń tıimdiligin arttyrýǵa baǵyttalǵan.
Jalpy otyrysta Qazaqstan Respýblıkasy Prezıdentiniń Jarlyǵymen Májilis depýtaty Saparhan Omarovtyń Aýyl sharýashylyǵy mınıstri bolyp taǵaıyndalýyna baılanysty ókilettigi merziminen buryn toqtatyldy. Sonymen qatar, búgin Palata Májilistiń Agrarlyq máseleler komıtetiniń tóraǵalyǵyna Berik Ospanovty saılady.
