Nobel syılyqtary tabys etildi
Sársenbi, 12 jeltoqsan 2012 7:24
Narazy topqa shabýyl jasaldy
Kaırde belgisiz bireýler Egıpet prezıdenti Muhammed Mýrsıdińsaıasatyna narazylyq retinde Tahrır alańynda qurylǵan shatyrlyqalashyqqa shabýyl jasaǵan.
Sársenbi, 12 jeltoqsan 2012 7:24
Narazy topqa shabýyl jasaldy
Kaırde belgisiz bireýler Egıpet prezıdenti Muhammed Mýrsıdińsaıasatyna narazylyq retinde Tahrır alańynda qurylǵan shatyrlyqalashyqqa shabýyl jasaǵan.
Jergilikti BAQ-tardyń habarlaýynsha, 30 adamnan turatyn top bytyraly myltyqtan oq atyp jáne qarsylyq bildirýshilerge «Molotov kokteılin» laqtyra otyryp, shatyrly lagerdi shabýyldaǵan. Qorǵanýshylar da janǵysh suıyq quıylǵan shólmekter men tas laqtyryp qarsylyq kórsetken. Kýágerlerdiń aıtýynsha, ıslamıster bolyp tabylatyn shabýyldaýshylarǵa jasyrynýdyń sáti túsken. Qaqtyǵystan 16 adam zardap shegip, olardyń birqatary jaqyn jerdegi aýrýhanaǵa jiberilgen.
Nobel syılyqtary tabys etildi
Shvesııanyń astanasy Stokgolmde Nobel syılyǵynyń laýreattarynmarapattaýdyń 111-shi saltanatty sharasy ótti.
2012 jyldyń 9 laýreaty korol Karl HVI-nyń qolynan fızıka, hımııa, fızıologııa jáne medısına, ádebıet pen ekonomıka salalaryndaǵy orasan zor qyzmetteri úshin dıplomdar men altyn medaldar aldy. Fızıka boıynsha fransýz Serj Arosh pen amerıkalyq Devıd Vaınlend laýreat atansa, fızıologııa jáne medısına salasynda japon Sınıa Iаmanaka men brıtandyq Djon Gerdon joǵary ataqtar ıelendi. Al hımııa salasyndaǵy syılyqtar amerıkalyqtar Robert Levkovıs pen Braıan Kobılkege tabys etildi. Ádebıet boıynsha tuńǵysh ret Qytaı ókili Mo Iаn laýreat atandy.
О́zi týraly pikirlerge rıza emes
2013 jylǵy parlament saılaýynda óziniń altynshy ret úkimet basshysylaýazymy úshin kúresý nıeti baryn habarlaǵan Italııanyń burynǵypremer-mınıstri Sılvıo Berlýskonı eýropalyq saıasatkerlerdiń onyńsheshimine qatysty bildirgen teris pikirlerine rıza emes.
Birqatar eýropalyq saıasatkerler men sheteldik gazetterdiń meniń ıtalııalyq saıasatqa qaıta oralýym týraly bildirgen shamshyl jáne orynsyz minez-qulyqtary men úshin ǵana emes, ıtalııalyqtardyń erkin tańdaýy úshin de namysqa tıerlik, dep atap ótken 76 jasar saıasatker. Onyń syrtynda ol dúısenbi kúni Italııadaǵy jańalyqtar aıasyndaǵy qor rynoktarynyń reaksııasyn da alypsatarlyq áreket dep ataǵan.
Saqtyq sharalaryn kúsheıtti
О́tken juma kúni Japonııa qorǵanys mınıstri Satosı Morımoto qater týǵanjaǵdaıda KHDR raketasyn qulatyp túsirý jóninde buıryq bergenbolatyn.
Soltústik Koreıanyń zymyrandy ushyrý ýaqyty aralyǵyn keńeıtý týraly habaryna baılanysty joǵaryda atalǵan buıryqtyń merzimi de 29 jeltoqsanǵa deıin uzartylatyn boldy. Onyń syrtynda dúısenbiden bastap Japonııa premer-mınıstri men ózge de sheshýshi vedomstvolar basshylary jergilikti ýaqyt boıynsha 7.00-den 12.00-ge deıin únemi óz ofısterinde otyratyn bolady. Soltústikkoreıalyq zymyrandy atyp túsirý úshin tórt «Petrıot» zenıtalyq-zymyrandyq keshen daıyndyq sapyna qoıylǵan.
Malı premeri otstavkaǵa ketti
Áskerıler tutqynǵa alǵan Malı mınıstrler kabınetiniń basshysyModıbo Dıara óziniń otstavkaǵa ketetinin málimdedi.
Malı premer-mınıstri Sheıh Modıbo Dıara burnaǵy kúni keshkilik óz úıinde ustalǵan bolatyn. О́zge málimetter boıynsha sheneýnikti elden ketpek bolǵan kezde áýejaıda tutqyndaǵan. Áskerılerdiń aıtýynsha, ol Fransııaǵa ushyp barmaq bolǵan kórinedi. Operasııaǵa 20-ǵa jýyq áskerı qyzmetshi qatysqan. Olardyń ústimizdegi jyldyń naýryzynda elde bılikti basyp alǵan áskerı hýntanyń lıderi kapıtan Amadý Sanogonyń ókimin oryndaǵany belgili bolyp otyr.
Marıhýana paıdalanýǵa ruqsat berildi
AQSh-tyń Kolorado shtatynyń turǵyndary budan bylaı qaraı ózderi paıdalaný úshin marıhýana ósire alady.
Osylaısha Amerıkanyń eki shtatynda marıhýanany ósirýge, saqtaýǵa jáne shegýge resmı túrde ruqsat berilip otyr. Dúısenbi kúni gýbernator Djon Hıkenlýperdiń tıisti zańǵa qol qoıýy arqyly Kolorado marıhýana paıdalanýǵa ruqsat etilgen ekinshi shtat bolyp tabylady. Aıta ketý kerek, 6 qarashada marıhýanany zańdastyrý máselesi boıynsha shtatta ótken referendýmda jergilikti turǵyndardyń basym kópshiligi bul ıdeıaǵa qoldaý kórsetken bolatyn. Marıhýanany ósirýmen, saqtaýmen jáne paıdalanýmen 21 jastan asqan azamattar ǵana aınalysa alady.
Gabalın radary toqtatyldy
Reseı Ázerbaıjandaǵy Gabalın radıolokasııalyq stansany paıdalanýdy toqtatty. Bul týraly Ázerbaıjan syrtqy ister mınıstrliginen habarlady.
Habarda aıtylǵandaı, Máskeý men Baký radardy arendalaý sharty týraly ortaq kelisimge kele almaǵan. Keıbir málimet kózderinen belgili bolǵanyndaı, Gabalın radıolokasııalyq stansasy jumysynyń toqtaýyna baılanysty Reseı qysqa merzim ishinde Armavırde «Voronej-DM» úlgisindegi radardy tolyq qýatynda iske qosýdy josparlap otyr. Taıaý ýaqyttarda Reseı qorǵanys mınıstrligi eskirgen radıolokasııalyq stansalardan múlde bas tartyp, olardyń ornyna túrli dıapazondardaǵy qazirgi zamanǵy «Voronej» radarlaryn ornatpaqshy.
Internet materıaldary negizinde ázirlendi.
