Memleket basshysy Nursultan Nazarbaev «Nur Otan» partııasynyń XVIII sezinde elimizdegi áleýmettik salalardy jandandyrýǵa baǵyttalǵan mańyzdy mejelerdi aıqyndap berdi. Jańa áleýmettik qamqorlyq sharalardy júzege asyrý nátıjesi elimizdiń áleýmettik-ekonomıkalyq damýyna, halyqtyń turmys sapasyn jáne áleýmettik álsiz toptardyń kiristeriniń artýyna úlken serpin beredi. Aldaǵy ýaqytta atalǵan mindetterdi iske asyrý úshin zańǵa ózgerister engiziledi.
Osy oraıda Memleket basshysynyń tapsyrmalaryn iske asyrý boıynsha atqarylǵan jumystardyń barlyǵyn aýqymdy túrde jarııalap, aqparattyq túsindirý jumystaryn júrgizý qajet. Sondyqtan qazirgi kezde mınıstrlikter, ákimdikter, «Nur Otan» partııasy osy baǵytta jumys atqarmaq. Bul rette halyqpen keri baılanys ornatý úshin jumys júrgizýdiń jańa formattaryn qarastyramyz. Osyǵan baılanysty Aqparat jáne qoǵamdyq damý mınıstrligi jaqyn arada ózge memlekettik organdarmen birge naqty qadamdardy belgileıtin bolady.
Gúlshara ÁBDIQALYQOVA,
Premer-Mınıstrdiń orynbasary
