24 saǵat

Sársenbi, 25 qańtar 2012 7:54

Fransııa senaty da osy el parlamentiniń tómengi palatasy sekildi armıandarǵa qarsy ge­nosıdti moıyndaýdan bas tart­­qandarǵa qylmystyq jaýap­­­kershilikti qarastyratyn zań jobasyn maquldady. Ol boıynsha kináli dep tabylǵan adam 40 myń eýro aıyppul tóleıdi nemese 1 jylǵa sottalady. Fran­sııanyń qadamyn Túr­kııa fransýz tarapy jaýap­syzdyǵynyń jarqyn mysaly dep málimdedi.  

Sársenbi, 25 qańtar 2012 7:54

Fransııa senaty da osy el parlamentiniń tómengi palatasy sekildi armıandarǵa qarsy ge­nosıdti moıyndaýdan bas tart­­qandarǵa qylmystyq jaýap­­­kershilikti qarastyratyn zań jobasyn maquldady. Ol boıynsha kináli dep tabylǵan adam 40 myń eýro aıyppul tóleıdi nemese 1 jylǵa sottalady. Fran­sııanyń qadamyn Túr­kııa fransýz tarapy jaýap­syzdyǵynyń jarqyn mysaly dep málimdedi.

Sırııa basshylyǵy Arab mem­leketteriniń lıgasy (AML) usyn­ǵan qandaıda bir bastamalardan bas tartatynyn jarııa etti. Mun­daı málimdemeni Sırııanyń syrt­qy ister mınıstri Valıd Mýallem jasady. Ol sondaı-aq AML-di Sırııanyń ishki janjalyn ha­lyqaralyq deńgeıge shyǵarýǵa áre­kettenip otyr dep syn tezine aldy.
Ulybrıtanııanyń taza qa­ryzy 1993 jyldan beri alǵash ret rekordtyq kórsetkishke je­tip, 1,19 trıllıon eýrony qu­rady. Bul jalpy qaryz ben valıýta rezervi arasyndaǵy aıyr­mashylyq bolyp tabylady. Atalǵan qarjy el ishki jalpy óniminiń 64,2 paıyzy degen sóz.    
Izraıl áskerıleri keshe er­teń­gisin Hamas qozǵalysynan pa­lestınalyq depýtat Abýl Djabbar Fýkahany qamaýǵa aldy. Ol óziniń úıinde tutqyndaldy. Soń­ǵy 5 kún ishinde Fýkaha Izraıl tutqyn­daǵan tórtinshi palestı­nalyq depýtat bolyp otyr. Al qazirgi kezde Izraıl túrmelerine atalǵan qozǵalystyń 24 depýtaty qamalǵan.
AQSh-tyń Federaldy tergeý bıýrosy lańkestikke qatysy bar degen kúdikpen ózbekstan­dyq bosqyndy qamaýǵa aldy. Ko­lorado shtatynda turyp jat­qan 35 jastaǵy ózbek emıgranty Jamshıd Mýhtorov halyq­aralyq O’Hara áýejaıynda tutqyndalǵan. Ol Pákstanda oryn tepken lańkestik topqa qosylmaq nıetinde bolǵanyn jasyrmasa kerek.
Reseı Sýdannan óz bitimger­shilerin shyǵaratyn boldy. Osyndaı jarlyqqa Reseı prezıdenti D.Medvedev qol qoıdy. Jarlyq BUU Qaýipsizdik Keńesiniń 2011 jyldyń 11 shildesindegi Sýdan­daǵy bitimgershilik mıssııasyn aıaqtaý jónindegi sheshimine oraı shyǵaryldy.
Qyrǵyzstanda 400-den as­tam tutqyn narazylyq retinde aýyzdaryn tigip tastady. Osylaısha olar ózderiniń Bishkek­tegi SIZO-1 qyzmetkerleriniń qatygezdigine  narazylyqta­ryn bildirdi. Atalǵan túzeý ornynda jaqynda tártipsizdikter qatań basylǵan bolatyn.
AQSh prezıdenti Barak Oba­maǵa Atlantadaǵy sotqa kelý min­detteldi. Talaptyń mazmuny mynadaı: ol AQSh aýmaǵynda týma­ǵandyqtan, prezıdent bola almaıdy. Atalǵan is boıynsha tyńdaý 26 qańtarǵa belgilengen. Isti ákim­shilik-quqyq buzýshylyq boıynsha sýdıa júrgizýi tıis. Talapty Djor­d­jııa turǵyny bergen kórinedi.
Reseı Lıberal-demokratııa­lyq partııasynyń serkesi Vladımır Jırınovskıı Memle­kettik dýmaǵa AQSh-tyń jańa el­shisiniń oppozısııamen kezde­sýi­ne barǵan úsh depýtat – I.Po­no­marev pen O.Dmıtrıevany jáne L.Kalashnıkovty jaza­laý­dy usy­n­dy. Bas lıberal-demo­krat­tyń pikirinshe, kezdesýge qatys­qan depýtattar mandattaryn ózderi tapsyrýlary tıis nemese olardy Memle­kettik dýmada oty­rý quqynan aıyrý qajet.
Máskeý metrosynda jappaı tóbeles saldarynan 1 adam aýyr ja­raqat alsa, 8-i qamalǵan. Tóbe­leske 9 adam qatyssa, 2-ýi Qyr­ǵyzstan azamaty kórinedi. Eki qyr­ǵyz da Máskeýde ótken jyl­dyń shildesinen beri tirkeý qu­jatynsyz júripti. Tóbeleske qa­tys­qandardyń barlyǵy qyzý eken.
Aqparat agenttikteriniń materıaldary negizinde ázirlendi.