• 03 Naýryz, 2019

Ulttyq arnadaǵy «SHAŃYRAQ» tok-shoýy jańa júrgizýshilermen jańa formatta shyǵady

1131 ret

kórsetildi

1 mın

oqý úshin

4 naýryzdan bastap «Qazaqstan» Ulttyq arnasynda tikeleı efırde ótetin «SHAŃYRAQ» tok-shoýy jańa júrgizýshilermen, jańa formatta kórermenge jol tartady.

Álı BITО́RE

Ulttyq arnadaǵy «SHAŃYRAQ» tok-shoýy jańa júrgizýshilermen jańa formatta shyǵady

Bunyń aldynda otbasylyq shoý bolyp kelgen «SHAŃYRAQ» jobasy endi otbasylyq-áleýmettik shoýǵa aınalmaq. Iаǵnı, ár baǵdarlamada belgili bir otbasylyq másele talqylanyp qana qoımaı, arnaıy zertteýler júrgizilip, ár máseleniń sheshimi tabylyp iske kóshý otyratyn bolady.

«SHAŃYRAQ» tok-shoýynyń jańa júrgizýshileri, belgili jýrnalıster - Nartaı Aralbaıuly men Meıramgúl Mádáli bolmaq. Sondaı-aq, jobaǵa qonaqtardan basqa, kórermender qatysyp, ár taqyrypty júrgizýshilermen birge talqylap, óz oılaryn jetkizetin bolady.

Jobanyń basty maqsaty – otbasylyq qundylyqtardy qalyptastyrý, ár otbasydaǵy áleýmettik máselelerdiń sheshimin taýyp, qol ushyn berý.

«SHAŃYRAQ» tok-shoýynyń birinshi shyǵarylymynyń qonaǵy kóp balaly ana bolmaq. Jobanyń alǵashqy qonaǵyn qandaı tosyn syı kútip turǵanyn 4 naýryzda kóre alasyzdar.

Otbasylyq-áleýmettik «SHAŃYRAQ» tok-shoýyn «Qazaqstan» ulttyq arnasynan dúısenbi-juma aralyǵynda 14:25-te tamashalaı alasyzdar!