Sýdıa isten shettetildi
Sársenbi, 18 sáýir 2012 8:02
«Norvegııalyq atqyshtyń» prosesindegi 6 sýdıanyń biri Tomas Inderbıýótken jyly óziniń Breıvıkti ólim jazasyna kesýge shaqyrǵanynmoıyndady.
Osydan keıin ol sottyń sheshimimen prosesten ketýge májbúr boldy. Anders Breıvıkti ólim jazasyna kesý týraly úndeý «Verdensgang» basylymynda jarııalanǵan bolatyn. Bul jaǵdaıdaǵy eń obektıvti jáne ádil úkim ólim jazasy dep jazǵan eken sýdıa ótken jyldyń 22 shildesinde, ıaǵnı terrorlyq akt oryn alǵannan sońǵy ekinshi kúni. Máseleniń anyq-qanyǵyn tergeý anyqtaıtyn bolady.
Sársenbi, 18 sáýir 2012 8:02
«Norvegııalyq atqyshtyń» prosesindegi 6 sýdıanyń biri Tomas Inderbıýótken jyly óziniń Breıvıkti ólim jazasyna kesýge shaqyrǵanynmoıyndady.
Osydan keıin ol sottyń sheshimimen prosesten ketýge májbúr boldy. Anders Breıvıkti ólim jazasyna kesý týraly úndeý «Verdensgang» basylymynda jarııalanǵan bolatyn. Bul jaǵdaıdaǵy eń obektıvti jáne ádil úkim ólim jazasy dep jazǵan eken sýdıa ótken jyldyń 22 shildesinde, ıaǵnı terrorlyq akt oryn alǵannan sońǵy ekinshi kúni. Máseleniń anyq-qanyǵyn tergeý anyqtaıtyn bolady.
Oppozısııa kepildik talap etýde
Sırııalyq oppozısııa Bashar Asadtyń rejimine senim kórsetpeı otyr.
Olardyń aıtýlarynsha, tek belgili bir kepildikter bolǵan jaǵdaıda ǵana Damaskimen kelissózderge barýǵa bolady. Rejim senimin joǵaltty. Sırııalyq únqatysýǵa BUU, Arab memleketteri lıgasy jáne Eýroodaq sııaqty kúshti de yqpaldy kepilder qajet, dep málimdegen Sırııanyń ulttyq úılestirý komıtetiniń ókili Hasan Abdýl ál-Azım. Onyń aıtýynsha, BUU men Arab memleketteri lıgasynyń arnaıy elshisi Kofı Annannyń jospary daǵdarysty beıbit retteý úshin eń sońǵy múmkindik bolyp tabylady.
Soltústik koreıaǵa eskertý
BUU Qaýipsizdik Keńesi KHDR-dyń zymyran ushyrýyn qatań aıyptady.
BUU Qaýipsizdik Keńesi KHDR odan ári zymyran ushyrǵan jáne ıadrolyq synaqtar jasaǵan jaǵdaıda tıisti sharalar qabyldaýǵa daıyn, dep málimdegen AQSh-tyń BUU janyndaǵy turaqty ókili Sıýzan Raıs. 13 sáýirdegi zymyran ushyrylýy, ol úshin ballıstıkalyq zymyran tehnologııasy qoldanylatyndyqtan, Qaýipsizdik Keńesiniń qararlaryn eleýli túrde buzý bolyp tabylady delingen joǵaryda atalǵan málimdemede.
Taǵy da jer silkindi
Keshe Indonezııanyń Sýmatra aralynyń jaǵalaýynda óte kúshti jersilkinisi boldy.
AQSh-tyń geologııalyq qyzmetiniń habarlaýyna qaraǵanda, zilzalanyń kúshi 5,1 baldy quraǵan. Jer silkinisiniń kindigi Banda-Acheh provınsııasynyń astanasy Acheh qalasynan ońtústik-batysqa qaraı 80 shaqyrym jerde, 42 shaqyrym tereńdikte bolǵan kórinedi. Qıraǵan ǵımarattar týraly ázirge málimetter joq. Degenmen, jer silkinisiniń ózi-aq qalada aıtarlyqtaı dúrbeleń týǵyzǵan kórinedi.
Pıngvın tistep aldy
Respýblıkalyq partııa atynan AQSh prezıdenttiginen úmitker NıýtGıngrıchke haıýanattar baǵyn aralap júrgen kezde pıngvın shabýyljasaǵan kórinedi.
Oqıǵa Gıngrıch óziniń saılaýaldy naýqany sheńberinde kelgen Mıssýrı shtatynyń Sent-Lýıs qalasynda oryn alǵan. AQSh-tyń ulttyq atqyshtar assosıasııasy ókilderimen josparlanǵan kezdesý aldynda kandıdat jergilikti haıýanattar baǵyn qyzyqtamaq bolyp sheshedi. Jyrtqysh ańdar men qoltyraýyndar turatyn terrarıýmnen aman-esen ótken 68 jastaǵy saıasatkerdiń saýsaǵyn Magellan pıngvıni tistep alǵan kórinedi. Sol jerde jaraqatty jabysqaq dákemen tańyp tastaýǵa týra kelipti.
Ortaq kelisimge keldi
Lıvııanyń ótpeli ulttyq keńesiniń basshysy Mýstafa Abdel Jalıl Aljır basshylyǵymen, onyń ishinde prezıdent Abdelazız Býteflıkpen kelissóz júrgizgen.
Aljır ókimeti ótpeli ulttyq keńes basshysyn Djamahırııanyń burynǵy kósemi Mýamar Kaddafıdiń osy elde júrgen otbasy músheleri Lıvııaǵa qaýip tóndirmeıdi dep sendirgen. Ulttyq keńes jetekshisiniń aıtýynsha, taraptar Aljır aýmaǵynda Lıvııa úshin qater tóndiretindeı eshteńeniń bolmaıtyndyǵy jónindegi ýaǵdalastyqqa qol jetkizgen. Aljır men Lıvııa basshylary óz shekaralaryn qorǵaý jáne terrorızmmen kúres isinde ózara birlese qımyldaýǵa daıyn ekendikterin málimdegen.
Saılaýǵa sanaýly kún qaldy
Fransııadaǵy prezıdent saılaýynyń birinshi týryna deıin sanaýly-aq kún qaldy.
Áleýmettik suraý salýlardyń sońǵy málimetteri boıynsha, 10 kandıdattyń tek beseýi ǵana 10 paıyzdyq kedergiden óte alady. Olar – eldiń qazirgi prezıdenti Nıkolıa Sarkozı men Fransýa Olland, sol sııaqty Marın Le Pen, Jan-Lıýk Melanshon jáne Fransýa Baırý. Ekinshi týrǵa úmitkerlerdiń tek ekeýiniń ǵana – qazirgi prezıdent pen onyń eń basty qarsylasy – sosıalıst Ollandtyń qalatynyna búginde eshkimniń de kúmáni joq.
Shetelderden baıytylǵan ýran suraıdy
Irannyń syrtqy ister mınıstri Akbar Salehı eger shet memleketter Iranǵa joǵary dárejedegi tazalyqtaǵy otyndyq baıytylǵan ýran berer bolsa, ózderiniń qazirgi sheshimin ózgertýi múmkin ekenin habarlaǵan.
Irandaǵy stýdentter aqparattyq agenttiginiń A.Salehıdiń sózine silteme jasaı otyryp habarlaýyna qaraǵanda, el reaktorlary úshin 20 paıyz tazalyqtaǵy baıytylǵan ýran óndirýge Irannyń tolyq quqy bar. Sonymen birge, A.Salehı batys elderin Irannyń ıadrolyq problemasyna qatysty kelissózderdiń kelesi týryna deıin Iranǵa qatysty sanksııany toqtata turýǵa shaqyrǵan. Aıta ketý kerek, AQSh, Ulybrıtanııa, Fransııa, Reseı, Qytaı, Germanııanyń Iranmen kelissózderiniń jańa raýndy 14 sáýirde aıaqtalǵan bolatyn. Kelesi kezdesý 23 mamyrda Baǵdadta ótpek.
Internet materıaldary negizinde ázirlendi.
