Kozlov jalǵan aıtyp, munaıshylardy arandatty

Senbi, 8 jeltoqsan 2012 7:07

Kópshilikke qazaqstandyq bıliktiń jaǵymsyz beınesin qalyptastyrý úshin V.Kozlovtyń istemegeni joq kórinedi. Quqyq qorǵaý organdarynyń málimetterine qaraǵanda, ol ókimetti kúshtep basyp alý, memleket qaýipsizdigine nuqsan keltirý, eldiń konstıtýsııalyq qurylysyn kúshtep ózgertý sekildi saıası oıyn júzege asyrý maqsatynda «Alǵa» halyqtyq partııasy jáne «Halyq maıdany» qoǵamdyq qozǵalysy uıymdarynyń atyn búrkemelegen ekstremıstik pıǵyl­daǵy uıymdasqan qylmystyq topqa da basshylyq etipti. Sóıtip, osy top­tyń músheleri arqyly 2011 jyldyń sońyna deıin eldiń konstıtýsııalyq qu­rylysynyń áleýmettik-saıası negizderine nuqsan keltirýge baǵyttalǵan qylmystyq is-áreketterdi júrgize bastaıdy. Bul asa qaýipti qadam edi.

Senbi, 8 jeltoqsan 2012 7:07

Kópshilikke qazaqstandyq bıliktiń jaǵymsyz beınesin qalyptastyrý úshin V.Kozlovtyń istemegeni joq kórinedi. Quqyq qorǵaý organdarynyń málimetterine qaraǵanda, ol ókimetti kúshtep basyp alý, memleket qaýipsizdigine nuqsan keltirý, eldiń konstıtýsııalyq qurylysyn kúshtep ózgertý sekildi saıası oıyn júzege asyrý maqsatynda «Alǵa» halyqtyq partııasy jáne «Halyq maıdany» qoǵamdyq qozǵalysy uıymdarynyń atyn búrkemelegen ekstremıstik pıǵyl­daǵy uıymdasqan qylmystyq topqa da basshylyq etipti. Sóıtip, osy top­tyń músheleri arqyly 2011 jyldyń sońyna deıin eldiń konstıtýsııalyq qu­rylysynyń áleýmettik-saıası negizderine nuqsan keltirýge baǵyttalǵan qylmystyq is-áreketterdi júrgize bastaıdy. Bul asa qaýipti qadam edi.

Asa qaýipti qadam bolatyn sebebi, el tynyshtyǵyn buzyp, memlekette tónkeris jasaý degen, Qudaı basqa bermesin, esi bar adamnyń esine almaıtyn is ekeni belgili. Al osyny kóksegen Kozlovtyń túpki maqsaty qandaı ekeni aıtpasa da túsinikti. Demek, bıliktiń jaǵymsyz beınesin qalyptastyrý maqsatynda Kozlov «Alǵa» halyqtyq partııasyn jáne onyń qamqorlyǵymen qurylǵan «Halyq maıdany» saıası qurylymnyń atyn paıdalanyp, áleýmettik arazdyqty jáne alaýyzdyqty qozdyrýǵa kúsh salǵan. Ol bul oıyn júzege asyrý maqsatynda zańsyz aksııaǵa qatysýshylardy bılikke qarsy pikirler aıtýǵa aıdap salmaq nıetpen «Ardaqty aǵaıyn! Qasıetti Mańǵystaý eliniń kúreskerleri!», «Kóter basyńdy!» degen taqyryptaǵy únparaqtaryn paı­dalanǵan. Buǵan qosa «K+» telearnasy, «Respýblıka», «Vzglıad», «Dat» logotıpterin paıdalanyp jasalǵan baspa basylymdarynyń nusqalaryn, sondaı-aq radıkaldy mazmundaǵy basqa da basylymdardy uıymdasqan qylmystyq toptyń músheleri arqyly Jańaózen qa­lasyna jetkizýdi jáne taratýdy uıymdastyrǵan. Biraq bulardyń bárin eshkim de tegin istemeıtinin bilip, olardy tolyqtaı qarjylaı qamtamasyz etip otyrǵan. Al oǵan jumsalyp jatqan qyrýar qarjynyń qaıdan kelip jatqany belgili edi.

Demek, V.Kozlovtyń ekstremıstik pı­ǵyldaǵy uıymdasqan qylmystyq top­qa basshylyq etkeni, joǵarydaǵy dá­ıektermen tolyq dáleldenip otyr. Bu­ǵan taǵy naqty mysal, ol osy atalǵan uıymdasqan qylmystyq topqa basshylyq ete júrip, 2011 jyldyń sońyna deı­in memlekettiń konstıtýsııalyq qu­rylysynyń áleýmettik-saıası negizderin buzý jáne oǵan nuqsan keltirýge, eńbek daýyna baılanysty ereýilge shyqqan munaıshylardy aldaý, arbaý jolymen aıdap salý arqyly jaǵdaıdy odan ári asqyndyra túsken. Sonymen qatar, ol ókimetti kúshtep basyp alýǵa, úndep shaqyrýǵa baǵyttalǵan keń kólemdi nasıhat jumystaryn belsendi júrgizgen.

Budan keıin V.Kozlov eńbek daýynan týyndaǵan zańsyz narazylyq ak­sııalaryn saıasılandyrýdy kóz­deı­di. Bul jaǵdaıdy ol Qazaqstan Res­pýblıkasynyń konstıtýsııalyq qu­ry­lysyn kúshtep ózgertý úshin basqa da faktorlar qatarynda paıdalanǵysy ke­ledi. Ol úshin shetelde qashyp júrgen basshylarynyń nusqaýlaryn oryndaý maqsatynda ekstremıstik uıymdasqan qylmystyq top músheleri, ıaǵnı radıkaldy kózqarastaǵy adamdardy qarjylaı qoldap, olardyń Jańaózen qalasyna barýyn da qamtamasyz etken. Al radıkaldy kózqarastaǵy adamdar bolsa óz kezeginde V.Kozlovtyń nusqaýymen jumysshylar arasynda qalyptasqan narazylyq kózqarastardy el basshylyǵynyń jáne memlekettik bılik organdarynyń qyzmetine ja­ǵym­syz baǵa berý, saıası jaıǵa aýystyrý maqsatyna paıdalanǵan.

Tipti, ol bara-bara eńbek daýynan týyndaǵan narazylyq aksııasyna qatysýshylardy «Nur Otan» partııasy qatarynan shyǵyp, «Halyq maıdany» qozǵalysyna ótýge ashyq úgit júrgizipti. Narazylyq aksııasyna qatysýshylardy alańda uzaǵyraq turǵyzý, bolǵyzý maqsatynda kópshilik aldynda sóz sóıleıdi. Onda ashyq túrde ókimetti kúshtep basyp alýǵa, memleket qaýipsizdigine nuqsan keltirýge jáne eldiń konstıtýsııalyq qurylysyn kúshtep ózgertýge shaqyrady.

V.Kozlovtyń mundaı qylmystyq árketterge barǵanyn kýálar da rastap otyr. Máselen, A.Amırova «Alǵa» partııasynyń qyzmetin V.Kozlov tikeleı basqaryp, ózi jeke qadaǵalap otyrǵanyn aıtady. 2011 jyldyń mamyr aıynda V.Kozlov Amırovaǵa «Gramotnaıa organızasııa massovyh besporıadkov» atty taqyryptaǵy baspa óniminiń elek­tron­dy nusqasyn jiberedi. Al budan keıin joǵaryda aıtylǵan «Qasıetti Mań­ǵys­taý eliniń kúreskerleri», «Kóter basyńdy, qazaq!» degen taqyryptaǵy ún­paraqtardy Almatydan joldaǵan jáne bulardy Jańaózen qalasynda ereýilge shyqqan munaıshylarǵa tarattyrǵan. Sonymen qatar, oǵan aıyna, tipti, apta saıyn «Vzglıad», «Golos Respýblıkı», «Pravda Kazahstana» gazetterin de jet­kizip otyrǵan. Bul gazetter men ún­paraqtardy Amırova avtokólikter jaldap, Jańaózen qalasynda taratqan.

Sol kezde álgi únparaqtar mazmuny­nyń astaryn túsingen keıbir qala tur­ǵyn­dary oǵan qarsy shyǵyp, máselen, J.Saqtaǵanova Amırovaǵa: «Mynaý biz­di soǵysqa shaqyryp jatyr ǵoı, muny toq­tatý kerek», degen. Basqa da kóptegen ju­mysshylar álgi únparaqtardy oqyǵan soń olardy yza kernep, Amırovany taýyp alyp: «Mynaýyń bizdi soǵysqa sha­qyryp jatyr ǵoı», dep ashýlanǵan qar­sylyqtaryn bildirip balaǵattap ketken. Mundaı bassyzdyqty dereý toqtatý qa­jettigin aıtqan. Alaıda, Kozlov bir amaly ál­sirep bara jatsa, dereý basqa is-áreketke kó­ship otyrǵan. Ol buǵan aqshany da aıamady.

Al qapshyq toly kók qaǵazdardyń Kozlovqa qaıdan kelip jatqanyn jo­ǵa­ryda aıtqanbyz. Sondyqtan ol osy aqsha kúshimen bárin satyp alýǵa bo­lady dep oılady. Oǵan solaı dep bas­shylary sendirdi. Ol ózi otyrǵan keń­se­niń jumysyn odan ári jandandyrý úshin dereý 10 000 AQSh dollaryn bergizedi. Odan basqa «K+» telearnasy men «Res­pýb­lıka» gazetiniń jýrnalısteri únemi birjaqty ǵana materıaldar jarııalaýy úshin jáne jalpy, Jańaózende atqarylatyn uıymdastyrýshylyq jumystar úshin 4 mıllıon teńge, 10 000 AQSh dollaryn jáne 4 000 eýro beredi. Máselen, Amırova osy aqshalardyń barlyǵy ózine V.Kozlov arqyly jetkizilgenin aıtady.

Iá, V.Kozlovtyń is-áreketiniń qandaı sıpatta órbigenin búginde kóptegen adamdar ashyq aıtyp otyr. Olardyń sózderine senesiń. О́ıtkeni, ol adamdardyń bá­ri V.Kozlovtyń arbaýyna túsip qal­ǵan, sodan onyń qıturqy sózderin óz qulaqtarymen estigen. Máselen, so­nyń biri N.Ajıgalıeva V.Kozlovtyń 2011 jyly Jańaózenge kelgende ózin Ábilázovtiń ókili dep tanystyrǵanyn aıtady. Sonda ol ereýilshilerdiń áre­ket­terin qoldaıtynyn, olarǵa barlyq kó­mek túrin berýge ýáde etken. Sol sııaq­ty budan buryn da buqaralyq aq­pa­rat quraldarynda jazylǵandaı, T.Saqtaǵanov óziniń de, munaıshylardyń da V.Kozlov bastaǵan qylmystyq toptyń aıtqandaryna aldanyp qalǵanyn jetkizedi.

Ol ózin V.Kozlovtyń Varshava, Brıýssel qalalaryna ertip baryp, Eý­roparlament depýtattarymen kez­des­tirip, Jańaózendegi ereýil týraly baıandamanyń mátinin jazyp berip, sony ózine oqyttyrǵanyn aıtady. Ám­bege aıan, sol kezde V.Kozlovtyń ózi de Qazaqstandaǵy prezıdenttik bılikke, ókimetke qarsy sóz sóıleıdi. Sóıtip, aldaý, arbaýǵa túsip ereýilge shyqqan munaıshylardy alańda uzaq ustaý úshin V. Kozlov olarǵa jaǵdaı týǵyzýdy qolǵa alady. Sosyn shatyrlar, uıyqtaıtyn qapshyqtar, kıimder, t.b. jetkizedi. Al buǵan qosylǵan «K+», «Stan TV» telearnalary birjaqty ǵana habarlar kórsetýmen aınalysady. V.Kozlovtyń jaqtastary ereýilge shyqqandar aldynda sóz sóılegende olarǵa naqtyly mán-jaıdy túsindire almady. Tek olar ózderiniń áreketteri durys ekenin, al bıliktegilerdiki burys ekenin jalǵan aıtýmen ǵana boldy. Munyń bári talaı adamnyń aldanyp, jazyqsyzdardyń japa shegýine ákep soqtyrdy. Bir sózben aıtqanda, sumyraı Ábilázov basqarǵan ekstremıstik uıymdasqan qylmystyq toptyń V.Kozlov sekildi sýaıttarynyń arandatýy jaqsylyqqa aparmady. Búginde muny jurttyń bári jaqsy biledi. Sondyqtan da tynysh jatqan el ishinde áleýmettik alaýyzdyq arazdyqty qozdyrǵandarǵa qarsy laǵynet aıtady.

Demek, qorytyndylaı kelgende aıtarymyz, V. Kozlov pen onyń jaqtastary munaıshylardy qoldaǵan bolyp betperde jamylyp, al shyn máninde ózderiniń saıası múddelerin kózdegendigi naqty dáleldendi. Soǵan oraı ol jeti jarym jylǵa sottaldy. Al ústimizdegi jyldyń 19 qarashasynda Mańǵystaý oblystyq soty V.Kozlov pen onyń qorǵaýshylarynyń Aqtaý qalalyq sotynyń úkimine bergen apellıasııalyq aryzyn qarady. Qylmystyq is pen aıyptalýshylardyń, olardyń qorǵaýshylarynyń ýájderin tolyq qarap, tanysyp shyqqan soń birinshi satydaǵy sottyń úkimin ózgerissiz qaldyrdy. Al apellıasııalyq aryzdy qanaǵattandyrǵan joq. Osylaısha V.Kozlovqa, S.Saparǵalıǵa jáne A.Amınovqa qatysty úkim naqty kúshine endi.