Jaryssóz dúısenbide jalǵasady

Senbi, 8 jeltoqsan 2012 6:59

Keshe áskerı qyzmetshi V.Che­lahtyń isi boıynsha sot qaraýy aıaqtalyp, taraptardyń jarys­sóz­deri bastaldy. Qazaqstan Respýb­lıkasy Áskerı soty baspasóz qyzmetiniń habarlaýynsha, alǵash­qy sózdi memlekettik aıyptaýshylar aldy. Memlekettik aıyptaýshy prokýrorlar K.Shaıahmet, D.Sekenov jáne A.Kırııak óz sózderinde sottalýshyǵa taǵylǵan aıyptardyń negizdi ekenin atap ótti.

Senbi, 8 jeltoqsan 2012 6:59

Keshe áskerı qyzmetshi V.Che­lahtyń isi boıynsha sot qaraýy aıaqtalyp, taraptardyń jarys­sóz­deri bastaldy. Qazaqstan Respýb­lıkasy Áskerı soty baspasóz qyzmetiniń habarlaýynsha, alǵash­qy sózdi memlekettik aıyptaýshylar aldy. Memlekettik aıyptaýshy prokýrorlar K.Shaıahmet, D.Sekenov jáne A.Kırııak óz sózderinde sottalýshyǵa taǵylǵan aıyptardyń negizdi ekenin atap ótti.

Memlekettik aıyptaýshylar is­te Qylmystyq kodekstiń 53-babynda qylmystyq jaza men jaýap­kershilikti jeńildetý qarastyryl­maǵan dep esepteıdi. Sondyqtan da prokýrorlar sottan Qylmystyq kodekstiń baptary boıynsha V.Chelahty aıypty dep taýyp, ony ómir boıy bas bostandyǵynan aıyrý jazasyna kesýge jáne jazany qatań rejimdegi kolonııada óteýdi surady. Sonymen birge, prokýrorlar jábirlenýshi taraptardyń Che­lahqa qatysty bergen talap-aryz­darynyń barlyǵyn qanaǵattan­dyrý qajet degen uıǵarymǵa keldi.

Sot prosesine qatysqan já­birlenýshi taraptardyń ókilderi asa aýyr qylmysqa qatysy bar kinálini anyqtap, aqıqatty ashyp bergeni úshin sotqa jáne ter­geý­shilerge alǵys aıtty. Budan keıin sot aıyptalýshyny qorǵaýshy tarapqa sóz sóıleýge múmkindik berdi. Biraq sottalýshynyń advokaty S.Sársenov óziniń jaryssózde sóıleýge daıyn emes ekendigin, sondyqtan buǵan biraz ýaqyt berýin málimdedi. Sonymen, sot tyńdaýy 10 jeltoqsanda saǵat 9.00-de jalǵasatyn boldy.

«Egemen-aqparat».