Ken orny órt qushaǵyna engennen beri «KÁAQQ ROSh» JShS-i «Aqberen» Mańǵystaý fılıalynyń 4 jedel-aldyn alý jumysy jónindegi ınjeneri jáne 15 qutqarýshydan quralǵan jedel toby kezekshilik atqaryp, jumys isteýde.
Uńǵyma saǵasyndaǵy gaz-aýa ortasyna metandy anyqtaýǵa arnalǵan ólsheý teris nátıje kórsetken. Dál qazir apatty joıý jónindegi jedel shtabtyń sheshimi kútilýde. Aqberendikter uńǵyma saǵasynda kezekshilik tártibimen bólshekteý jumystaryn jasaýda.
Qalamqas ken ornyna «KÁAQQ ROSh» JShS-i «Aqberen» Mańǵystaý fılıalynyń bazasynan «Kamaz-43118» bazasyndaǵy jyljymaly jóndeý sheberhanasy, buranda kesýge arnalǵan stansııasy bar gıdravlıkalyq qurylǵy, qolmen turba keskish, stansııasy bar gıdravlıkalyq gaıkakeskish syndy birqatar tehnıka men qural-saımandar jetkizildi.
Komıssııanyń sheshimimen, órtengen uńǵymany joıýǵa daıyndyq jumystaryn júrgizý «Aqberen» Mańǵystaý fılıalynyń qutqarýshylaryna tapsyrylyp, qazir bólshekteý jumystary qyzý júrgizilýde.
Mańǵystaý oblysy
