Jeńil salmaqtaǵy eń úzdik segiz sportshynyń basyn qosqan jarys Japonııanyń astanasy – Tokıoda ótti. Shırek fınalynda Qaırat Ahmetov avstralııalyq Rıs MakLarenmen sheberlik baıqasty. 31 jastaǵy qandasymyzdyń qandaı qarýly ekenin jankúıerler jaqsy biledi. О́ziniń sporttyq karerasynda Qaırat 25 jekpe-jek ótkizip, 23 márte jeńiske jetti. Kezinde ol osy uıymnyń chempıony da boldy. 27 jastaǵy MakLaren de osal sportshy emes. Jasyl qurlyqtyń ókili 18 kezdesýdiń 12-sin óz paıdasyna sheshken. Úsh raýndqa sozylǵan bul básekede upaı sanymen jeńiske jetken Ahmetov jartylaı fınalǵa shyqty.
Sóz oraıy kelgende, osy týrnırdiń basty favorıti – 32 jastaǵy Demetrıýs Djonson ekenin aıta ketýge tıispiz. 2012 jyly UFC-diń teńdessizi atanǵan AQSh-tyń ókili ózine tıesili chempıondyq ataqty 2018 jylǵa deıin 11 márte sátti qorǵaǵan.
