GP TV qurylǵysynyń aldyńǵy jáne artqy betinde birdeı 48 dıýımdik ekran ornalasqan. Eki dıspleı de 4K ajyratymdylyqtaǵy OLED matrısasymen jabdyqtalǵan. Teledıdar qaıta óńdelgen materıaldardan jasalǵan metall tirekterge ornatylǵan jáne Dolby Atmos dybys tehnologııasyn qoldaıdy.
ChatGPT kámeletke tolmaǵandardy avtomatty túrde anyqtaı bastaıdy
Kompanııa ókilderiniń aıtýynsha, GP TV birneshe qoldanýshynyń bir mezette kórýine arnalǵan. Máselen, geımerler úshin yńǵaıly sheshim retinde usynylady. Sondaı aq model memlekettik sektor men úkimettik mekemelerge baǵyttalǵan.
Jýrnalıster bul sheshimdi tosyn dep baǵalady.
«Mundaı qurylym erekshe kórinedi, sebebi teledıdarlar men monıtorlardyń kóbi qabyrǵaǵa nemese ústelge qoıylady. Sondyqtan artqy bettegi ekran kóp jaǵdaıda qajetsiz bolyp kórinýi múmkin», dep jazady olar.
Sarapshylar tehnıkalyq turǵydan jańashyl bolǵanymen, eki jaqty konstrýksııanyń kúndelikti ómirdegi praktıkalyq qoldanysyna kúmán bar ekenin aıtady.
GP TV baǵasy men satylymǵa shyǵý merzimi ázirge jarııalanǵan joq. Alaıda TPV Technology Group bul model premıým sanattaǵy ónim ekenin atap ótti.
Aıta keteıik, qańtar aıynyń sońynda Counterpoint Research sarapshylary Samsung kompanııasy aldaǵy ýaqytta álemdegi jetekshi teledıdar óndirýshi mártebesinen aıyrylýy múmkin ekenin boljaǵan edi. Sarapshylardyń pikirinshe, bul ataqty qytaılyq TCL kompanııasy ıelenýi yqtımal.
