Kásipkerler quqyǵy – Elbasy nazarynda
Beısenbi, 26 qańtar 2012 7:39
Memleket basshysynyń tapsyrmasymen 2011 jyly ashylǵan «Prezıdenttiń bıznesti qorǵaýy» atty saıtyna kásipkerlerden kelip túsken aryzdar Qazaqstan Respýblıkasy Prezıdenti Ákimshiliginiń turaqty baqylaýynda boldy, dep habarlady Qazaqstan Respýblıkasy Prezıdentiniń baspasóz qyzmeti.
Bıznes qoǵamdastyǵynyń zańdy quqyqtary men múddelerine qadaǵalaý-baqylaý jáne quqyq qorǵaý organdary tarapynan nuqsan keltirgen jaǵdaılardy boldyrmas úshin «Prezıdenttiń bıznesti qorǵaýy» atty saıtynyń arnaıy taraýy jumys isteýde.
Beısenbi, 26 qańtar 2012 7:39
Memleket basshysynyń tapsyrmasymen 2011 jyly ashylǵan «Prezıdenttiń bıznesti qorǵaýy» atty saıtyna kásipkerlerden kelip túsken aryzdar Qazaqstan Respýblıkasy Prezıdenti Ákimshiliginiń turaqty baqylaýynda boldy, dep habarlady Qazaqstan Respýblıkasy Prezıdentiniń baspasóz qyzmeti.
Bıznes qoǵamdastyǵynyń zańdy quqyqtary men múddelerine qadaǵalaý-baqylaý jáne quqyq qorǵaý organdary tarapynan nuqsan keltirgen jaǵdaılardy boldyrmas úshin «Prezıdenttiń bıznesti qorǵaýy» atty saıtynyń arnaıy taraýy jumys isteýde.
О́tken jyly saıtqa 2123 aryz kelip tústi. Onyń ishinde kásipkerlerdiń quqyqtary buzylǵany týraly 347 shaǵym tirkeldi. Qalǵan 1776 shaǵym saıttyń taqyrybyna saı emes bolǵandyqtan, ótinish ıelerine qoldanystaǵy zańdarǵa sáıkes quzyretti organdarǵa shaǵymdaný múmkindikteri bar ekeni túsindirildi, onyń ishinde 183 aryz baqylaýǵa alyndy. Shaǵymdardyń 78 paıyzy boıynsha ortalyq memlekettik organdar qyzmetkerleriniń zańsyz is-áreketterine narazylyq bildirilgen bolsa, onyń ishinde eń kóbi Qarjy polısııasy agenttigi men Bas prokýratýra – 60-tan (22%-dan), Qarjy mınıstrligi 55 (20%) qyzmetkeriniń zańsyz áreketteri týraly jazylǵan.
Jergilikti bılik organdary qyzmetkerleri tarapynan kásipkerlerdiń quqyqtary shektelýine narazylyq bildirgen shaǵymdar saıtqa kelip túsken barlyq shaǵymdardyń 22 paıyzyn quraıdy. Onyń ishinde basym bóligi Almaty men Ońtústik Qazaqstan oblystarynyń – 8 (11%), Almaty – 8 (11%) jáne Astana (9) (12%) qalalarynyń ákimdikteri qyzmetkerleriniń is-áreketterine aryzdanǵandar.
О́tinishterdi taldaý nátıjesinde kásipkerlerdiń Elbasynyń atyna shaǵymdanýynyń basty sebepteri salyq zańnamasynyń burmalanýy, memlekettik satyp alý tenderlerin ótkizý barysynda oryn alǵan zań buzýshylyqtar, memlekettik menshikti jekeshelendirý kezindegi teris is-áreketter ekendigi anyqtaldy. Sonymen qatar, tergeýaldy tekserister júrgizý kezinde kásipkerlerdi áýre-sarsańǵa salý, qylmystyq isterdi tergeý barysynda prosessýaldyq zańnamanyń saqtalmaý faktileri boıynsha da shaǵymdar kóp.
Kásipkerlerden kelip túsken ótinishter Prezıdent Ákimshiliginiń bólimderinde aldyn ala muqııat qaralyp, Prezıdent Ákimshiliginiń Basshysy bergen tapsyrmalar boıynsha jappaı baqylaýǵa alyndy.
Jan-jaqty tekserý júrgizip, naqty sheshim qabyldap, Prezıdent Ákimshiligine jaýap berý úshin shaǵymdardyń 195-i Bas prokýratýraǵa, 47-si Qarjy mınıstrligine, 15-i Qarjy polısııasyna, 9-y Almaty qalasy men 8-den Astana qalasy, Shyǵys Qazaqstan, Ońtústik Qazaqstan oblystarynyń ákimderine jiberildi.
Eseptik merzimde memlekettik organdar 385 shaǵymdy qarap, saıt arqyly olardyń avtorlaryna jaýap berildi. Onyń ishinde 93 shaǵym qanaǵattandyryldy, 13 shaǵym negizsiz dep tabyldy, qalǵandaryna túsinikteme berilip, olardyń máseleleri zańmen belgilengen tártip boıynsha sheshiletini habarlandy.
Mysaly, Elbasynyń atyna aryzdanǵannan keıin «OVPP Mereı» JShS-niń dırektory G.Hamzınge qurylys-montaj jumystaryna ruqsat berý máselesi sheshildi, Aqtóbe oblysynyń kásipkeri A.Baeshovtiń ótinishi boıynsha oblys ortalyǵyndaǵy «Shyǵys», «Mega Shyǵys» bazarlarynyń qyzmetine salyqtyq tekserý júrgizilip, bıýdjetke qosymsha 16 234,9 myń teńge óndirildi. Shyǵys Qazaqstan oblysynyń Aıagóz qalasynda turatyn kásipker O.Jaqsybaevadan salyqty negizsiz tóleý talap etilgeni rastalyp, aýdandyq salyq basqarmasynyń bas mamany atalǵan faktilerge jol bermeý jóninde jazbasha eskertildi. «Kókshetaý Hlebstroı» JShS-niń dırektory A.Odınokovtyń, «Ýnıversal-servıs» JShS-niń dırektory T.Beneshtiń, «Muqanova» JK-nyń dırektory G.Muqanovanyń jáne basqalardyń shaǵymdarynda keltirilgen tekserý barysynyń sozbalańǵa salynǵany, júrgizilgen tergeý áreketteriniń tolyq bolmaǵany jáne qylmystyq istiń qysqartylǵany týraly qaýlynyń ýaqtyly habarlanbaǵany jónindegi derekter rastaldy.
Sonymen qatar, kásipkerlerdiń 61 shaǵymy boıynsha zańsyzdyqtarǵa jol bergen 31 quqyq qorǵaý organdarynyń jáne 41 ortalyq jáne jergilikti bılik organdarynyń qyzmetkerleri tártiptik, al 2 qyzmetker ákimshilik jaýapkershilikke tartyldy. Kásipkerler quqyǵynyń buzylýyna jol bergeni úshin Kókshetaý qalasy prokýrorynyń orynbasary Q.Omarov, Almaty oblysy Qarasaı aýdany prokýrorynyń kómekshisi M.Jartıev, Mańǵystaý oblysy boıynsha Qarjy polısııasy departamentiniń aǵa ınspektory J.Taǵanııazov qyzmetterinen bosatyldy. Qaraǵandy oblystyq Salyq departamenti qyzmetkerleriniń zańsyz áreketteri jónindegi tek qana bir ótinish boıynsha júrgizilgen tekserý nátıjesinde kórsetilgen faktiler rastalyp, zań buzýshylyqqa jol bergen 10 laýazymdy adam ártúrli jaýapkershilikke tartyldy. Qyzmetkerlerdiń jumysyn uıymdastyrý men baqylaýdy álsiretkeni úshin quqyq qorǵaý organdarynyń 26 basshysy men qyzmetkerleri tártiptik jazaǵa tartyldy.
Kásipkerlerdiń ótinishteriniń qaralýyna jedel yqpal etý maqsatynda barlyq aımaqtarda Bas prokýratýranyń tapsyrmasy boıynsha ákimdikter, memlekettik, quqyq qorǵaý organdary jáne Kásipkerler odaǵy ókilderiniń ishinen jedel toptar qurylyp, olar kásipkerlerdiń isine zańsyz aralasý máseleleri boıynsha 422 dabyldy tekserdi. Sonyń nátıjesinde 600 zań buzýshylyq anyqtaldy. Al júıelik negizde qabyldanǵan sharalar 2010 jylmen salystyrǵanda zańsyz tekserýlerdiń sanyn 3 esege tómendetýge jaǵdaı jasady.
Jedel toptardyń qyzmeti jáne «Prezıdenttiń bıznesti qorǵaýy» saıtynyń jumysy týraly barlyq oblystarda aqparattyq materıaldar ornalastyrylǵan jáne taratylýda. Kásipkerlerden saıtqa kelip túsetin shaǵymdardyń tolyq, sapaly jáne ýaqtyly qaralýy Prezıdent Ákimshiliginiń turaqty baqylaýynda.
