Bul esim jankúıerlerge bul esim jaqsy tanys. Almatydaǵy dene shynyqtyrý ınstıtýtynda oqyp júrgen kezinde Aleksandra Artemenko taý shańǵysynan ótken kóptegen jarystarda jeńis tuǵyryna kóterildi. Atap aıtsaq, KSRO-nyń 11 dúrkin chempıony jáne 21 dúrkin júldegeri, respýblıka birinshiliginiń 70 dúrkin jeńimpazy atandy. О́zge de dúbirli dodalarda el namysyn abyroıly qorǵady.
Aleksandra Artemenko 1956 jyly Italııanyń Kortına-d'Ampesso qalasynda alaýy tutanǵan Olımpııa oıyndaryna qatysty. Osylaısha, onyń esimi qysqy ǵalamdyq dodaǵa qatysqan Qazaqstannyń tuńǵysh sportshysy retinde tarıhta qaldy.
Bapkerlik kásipte de Aleksandra Ivanovnanyń baǵy jandy. Ol 12 KSRO chempıonyn, 18 KSRO halyqtary spartakıadasy, jastar men jasóspirimder arasyndaǵy Odaq birinshiliginiń jeńimpazdary men júldegerlerin jattyqtyrdy. 32 sport sheberi men kóptegen sport sheberligine úmitkerlerdi tárbıelep shyǵardy.
Aıtýly jarystak Almaty qalasy, Almaty men Shyǵys Qazaqstan oblystary jáne Qyrǵyzstan men Reseıden kelgen 100-den asa taý shańǵshylary baq synaýda. Búgin alyp slalom jattyǵýy boıynsha alǵashqy jeńimpazdar anyqtaldy. 2005-2010 jyldary týǵan qyzdar arasynda Evgenııa Bychkova, Arýhanym Jaıdary, Ksenııa Berejnaıa úzdik úshtiktiń qatarynan kórinse, uldar saıysynda Davıd Qashqarov, Roman Smoleıchýk jáne Djeıms Deıvan dara shyqty. Al ardagerler men áýesqoılar arasyndaǵy básekede KSRO sport sheberi, KSRO jáne Qazaqstan chempıony, Qarýly kúshter birinshiliginiń júldegeri, 1985 jylǵy «Kúmis edelveıs» týrnıriniń jeńimpazy Vladımır Kýchın qarsylas shaq keltirmedi. Ekinshi jáne úshinshi oryndardy Rýstam Ysqaqov pen Vladımır Dmıtrıenko ıelendi.
