«Rýhanı jańǵyrý» baǵdarlamasyn júzege asyrý maqsatynda Abaı atyndaǵy Qazaq ulttyq pedagogıkalyq «Latyn negizdi qazaq jazýy: onomastıkalyq-grafıkalyq keńistik máseleleri» taqyrybynda respýblıkalyq semınar ótti.
Respýblıkalyq deńgeıde ótken semınarǵa QR UǴA A.Baıtursynuly atyndaǵy Til bilimi ınstıtýtynyń ǵalymdary, Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń ǵylymı qyzmetkerleri, Almaty qalasy ákimshiliginiń ókilderi, ál-Farabı atyndaǵy QazUÝ, Qazaq ulttyq qyzdar pedagogıkalyq ýnıversıteti, Abylaı han atyndaǵy ÁTjHQÝ professor-oqytýshylary men ýnıversıtettiń bilim alýshylary, izdenýshiler, doktoranttar, magıstranttar, stýdentter jınaldy.
Onomastıkalyq ataýlardyń grafıkalyq keńistikte tańbalaný máseleleri, grafıkalyq keńistiktegi jarnama jáne mańdaısha mátinderi, antroponımder orfogrammalar jáne onomastıkalyq-grafıkalyq keńistiktiń latyn negizdi qazaq jazýyna negizdelý máseleleri semınardaǵy ózekti taqyryp retinde qatysýshylar tarapynan qyzý talqyǵa tústi. Semınar barysynda qatysýshylarǵa sertıfıkat berildi.
