Forým aıasynda Farabı taqyrybyn tereń zerttep júrgen túrik ǵalymy –PhD, Ulyǵdaǵ ýnıversıtetiniń teologııa fakýltetiniń professory Iаshar Aıdynly men otandyq ǵalym – fılosofııa ǵylymdarynyń doktory, professor Ǵalııa Qurmanǵalıeva Ǵylymı keńestiń sheshimi boıynsha «Úlken ál-Farabı altyn medalimen» marapattaldy.
Bıylǵy Forýmda ǵylym men bilim berý ıntegrasııasy, jahandyq zamanynda adamzat jańarǵan adamgershiliktik baǵdarlar men qundylyqtar, qazirgi qoǵamnyń rýhanı jáne ıntellektýaldy mádenıetin órkendetý maqsat-mindetterin júzege asyrýǵa qatysty máselelerdi talqylaady.
2014 jyly negizi qalanǵan «Halyqaralyq Farabı oqýlary» onkúndiginiń aıasynda halyqaralyq Farabı forýmy, ǵylymnyń ár salalary boıynsha ǵylymı-teorııalyq, ǵylymı‐praktıkalyq, ǵylymı-ádistemelik, onlaın konferensııalar, dóńgelek ústelder men semınarlar, «Farabı álemi» atty stýdentter men jas ǵalymdardyń halyqaralyq konferensııasy, ınnovasııalyq jobalar baıqaýy ótkizilip, Ǵylym kúni atap ótiledi.
