Qutyla salyp tutyldy

Beısenbi, 23 aqpan 2012 8:10

Aptalap sozylǵan aıazdy kún­derdiń birinde qyzyq boldy. Qy­zyq emes, shyjyq boldy degenimiz jón shyǵar. О́ıtkeni, ury-qary­ńyz eki keshtiń aralyǵyndaǵy apaq-sapaq ýaqytta qasyńda, qol­ty­ǵyńda kele jatqan báıbisheń­iz­diń qol sómkesin ala qashyp, jet­kizbeı ketse, solaı demegende ne dersiń!

Ol ózi qysqartyp aıtsaq, bylaı boldy. Iаǵnı, sol kúni qaqap turǵan aıazǵa qaramastan Abaı at­yndaǵy drama teatryna barǵan­byz. Onda arqaly aqyn Ulyqbek Esdáýletov jáne ataqty sazger-kúıshi Seken Turysbekovpen kezdesý ótkeli jatsa, onsyz da sýyq úıde qaıtip qamalyp otyrarsyń!

Beısenbi, 23 aqpan 2012 8:10

Aptalap sozylǵan aıazdy kún­derdiń birinde qyzyq boldy. Qy­zyq emes, shyjyq boldy degenimiz jón shyǵar. О́ıtkeni, ury-qary­ńyz eki keshtiń aralyǵyndaǵy apaq-sapaq ýaqytta qasyńda, qol­ty­ǵyńda kele jatqan báıbisheń­iz­diń qol sómkesin ala qashyp, jet­kizbeı ketse, solaı demegende ne dersiń!

Ol ózi qysqartyp aıtsaq, bylaı boldy. Iаǵnı, sol kúni qaqap turǵan aıazǵa qaramastan Abaı at­yndaǵy drama teatryna barǵan­byz. Onda arqaly aqyn Ulyqbek Esdáýletov jáne ataqty sazger-kúıshi Seken Turysbekovpen kezdesý ótkeli jatsa, onsyz da sýyq úıde qaıtip qamalyp otyrarsyń!

Sóıtip, qas talanttarmen ót­ken jyly júzdi júzdesýden soń janymyz jadyrap, boıymyz jylynyp qalǵandaı bolǵan. Sol jaqsy ásermen taıǵanaqtaı basyp, úıdiń buryshyna ilikkenimiz sol edi, sońymyzdan gúrs etken bir dybys estildi. Men bolsam bastapqyda báıbishem taıǵanaqtap qulap qaldy ma dep oılaǵanmyn. Biraq ile-shala onyń «sómkeni alyp ketti» degen daýsyn estip, tura umtyldym. Biraq keıin an­yqtalǵanyndaı jıyrmanyń ús­tin­degi jas jigit gúrs etip taı­ǵa­naqtap qulap túskenmen, atyp tu­ryp zymyrap bergende paıǵambar jasyna taqap qalǵan bizge qaıdan jetkizsin! Al saǵat tili keshki jetige áli jetpegenmen, aıazdy kúni kóshede jan balasy joq edi.

Artynan, es jınaǵan soń «ká­dimgi Sábıt Muqanovtyń» sońyn­da qalǵan bir kúlkili áńgimesi esimizge oralyp, al kúleıik. Birde tún ish­in­de deıdi Sábeń, akademık Muha­met­jan Qarataev ekeýmiz qonaqtan shyǵyp, úıge qaıtyp kele jat­qan­byz. Bir ýaqytta ál­de­kim Muhamet­jannyń basyndaǵy ondatra qulaq­shynyn ala qashsyn. Men de júı­rikpin ǵoı, álginiń sońynan qalmaı kelemin. Biraq Mu­hametjan menen de júırik eken, uryńyzǵa taqap-aq qaldy. «Iá, sodan uryny ustap alǵan shyǵar» deıdi ǵoı Sábeńniń jel­dirtip aıtqan áńgimesin ynta qoıa tyńdap otyrǵandar. Sóıtse Sábeń «uryńyz Muhametjannan da júı­rik eken, jetkizbeı ketti» deıtin kórinedi.

Borandy kúni ıt pen bala qutyrady demekshi, aıazdy kúni bizdi uryńyz osylaısha qatyryp ketti. Ol qaǵyp ketken sómkede uıaly telefon men úıdiń kilti, eń bastysy joldasymnyń jeke ba­sy­nyń kýáligi bar edi. Aqsha sal­ǵan ámııanyn soǵan deıin dúken­nen shyqqanda qaltasyna sala salǵan ǵoı. Biraq, qalaı deseńiz de tapadaı tal túste derlik shaqta tonalǵanyńyzǵa qapa bolady eken­siz. «О́zimnen de júırik» uryǵa je­te almaı, tonalǵan jerimizge qaı­typ kelsem, dál sol tusta bir uıaly telefon jatyr eken. Men ony sómkeden túsip qalǵan óz dúnıemiz be desem, olaı bolmaı shyqty.

Demek, bul álgi sabazdiki bolýy múmkin ǵoı degen oımen úıge kelisimen ortalyq polısııa bó­limine telefon shaldym. Osy arada aıtaıyn degenim sol, polısııa qyzmetkerleri aınalasy bes-alty mınýttyń ishinde páterimizge je­tip keldi. Sonsoń Rýslan Rymbekov, Birjan Qudajanov degen polısııa leıtenanttary meni máshı­nege otyrǵyzyp alyp, birden iz kesýge shyqty. Shyny kerek, bu­lar­dyń jedel is-qımylyna ishim jylyp qaldy. Olar aınalasy bir saǵattyń ishinde onshaqty kúdik­tini tergep úlgerdi. Biraq «óz ury­myzdy» tap basyp tanymaǵan soń, basqanyń obalyna qalyp nemiz bar. Osy oraıda, sómkemiz tabylmaı ketken kúnniń ózinde tártip saqshylaryna rıza edik. Ýaqyt­pen sanaspaı, kúni-túni derlik jumystan tabylatyn olardy da keıde orynsyz jazǵyryp jatatynymyz ras qoı.

Sol kúni bolmaǵanmen, ury­myz araǵa kún salyp qolǵa tústi. Álgi túsip qalǵan uıaly telefon sonyki bolyp shyqty. Rasynda so­nyki emes, onyń joldasyniki eken. Osy eki aralyqta urymyz bizdiń uıaly telefondy ótem re­tinde joldasyna berip úlgeripti. Sonyń bárin tergeýshi, polısııa­nyń aǵa leıtenanty Nurjan Ba­shyǵulov indetip otyryp, tez-aq anyqtady. Ile shala bizdi urymen de bettes­tirdi. Jasy jıyrmadan endi ǵana asqan jas jigit balalar úıiniń túlegi eken. Onyń osynyń aldynda ǵana taǵy bir áıeldiń qol sóm­kesin qaǵyp ketkeni de anyq­taldy.

Tergeýshi munyń isi endi sotqa jiberiledi degende, biz abyrjyp qaldyq. Jetim balany sottatyp nemiz bar, biz keshirdik dep jatyrmyz ózimizshe. Artynan ana áıel de bizdi qostap jatty. Al ter­geýshi bolsa, ony men emes, sot sheshedi dedi.

Endi sotty kútpeske amal joq. Osyndaıda eriksiz oıǵa qalady ekensiz. Jaqsy, ury qutyla salyp, tutyldy. Biraq, solaı eken dep qýanýdyń jóni qaısy? Ár ná­r­seniń sebebimen ǵana emes, saldarymen kúreskenimiz durys bolar. Iаǵnı, jetim balar úıiniń túlegi basynda baspanasy, aınalysatyn jumysy bolsa, mundaıǵa barar ma edi? Ol bizden keshirim ótingende júre­­gi­mizge bireý ıne suǵyp al­ǵandaı bolǵany da ras. Múmkin kerisinshe qatygezdenip bara jat­qan qoǵam osyndaı jetimderden keshirim óti­nip jatsa, kánekı! Áıt­pese, sebep­tiń saldaryna úń­il­meı, qylmys­kerdi tek jaza­laýǵa ǵana umtylsaq, budan qo­ǵamda tártip ornyǵady degenge óz basym senbeımin!

Solaı solaı. Biraq, qalaı desek te ortalyq polısııa bóliminiń bastyǵy Álibek Baǵdatov myrza byltyrǵy jyly onyń aldyndaǵy jylmen salystyrǵanda qylmys­ty ashý birshama ilgerilegenin aıt­qanda, ol da durys eken destik.

Dáýlet SEISENULY,

Semeı.