Aýyl sharýashylyǵy mınıstrligi, QR Bilim jáne ǵylym mınıstrligi, QR Ulttyq ınjenerlik akademııasy jáne «Ulttyq agrarlyq ǵylym-bilim ortalyǵy» UAQ jáne «Baıserke-Agronyń» agroholdınginiń uıymdastyrýymen ótken halyqaralyq konferensııa QR Eńbek sińirgen qaıratkeri Temirhan Dosmuhametovtyń 70 jyldyq mereıtoıyna oraı uıymdastyryldy.
Temirhan Dosmuhametovtyń bastamasymen qurylyp, búginde óndiristik tájirıbesi álem elderine tanylǵan «Baıserke-Agro» agroholdıngi elimizdiń aýyl sharýashylyǵy salasynyń damýyna qomaqty úles qosyp keledi.
Plenarlyq otyrysta QR Injenerlik akademııasynyń prezıdenti, akademık Baqytjan Jumaǵulov qazirgi tańdaǵy otandyq aýyl sharýashylyǵynyń elimiz ekonomıkasyndaǵy basty salalardyń biri retinde áleýeti zor keshen bolyp tabylatyndyǵyna toqtalyp, zamanaýı tehnologııalyq jetistikterdiń aýyl sharýashylyǵyndaǵy jetisikteri joǵary ekendigin atap ótti. Osy baǵytta ǵylym salasyn damytýdyń yqpaly joǵary. О́ndiriske ınnovasııalyq tehnologııalardy engizý, básekege qabiletti kásibı joǵary mamandardy daıarlaýdyń mańyzy zor. Al Almaty oblysy Talǵar aýdanyndaǵy «Baıserke-Agro» agroholdıngi tájirıbesin otandyq aýyl sharýashylyǵynyń barlyq salasynda paıdalanýdyń keleshegi zor.
«Baıserke-Agro» agroholdıngi tájirıbesindegi ozyq jetisterdiń agrokeshendegi, ǵylymdaǵy nátıjesi týraly QazUAÝ rektory Tilektes Esbolov «Álemdik deńgeıdegi ýnıversıtet: biregeı ıdeıalar; negizgi prınsıpteri men qundylyqtary» baıandamasynda, al «Qazaqstandaǵy ǵylymı jáne ǵylymı-tehnıkalyq qyzmet nátıjelerin kommersıalızasııalaý» baıandamasynda akademık Ánýarbek Sultanǵazın («Ǵylym qory» AQ) búgingi jetistierge keńinen toqtaldy. Bıologııa ǵylymdarynyń doktory, akademık Rahym Orazalıev «Qazaqstan jáne Ortalyq Azııanyń irgeles ekologııalyq aýmaqtarynda bıdaı sorttaryn seleksııalyq beıimdeý evolıýsııasy» baǵytyndaǵy máselelerge toqtaldy. Al «Baıserke-Agro» JShS bazasynda Almaty oblysy jaǵdaıynda aýyl sharýashylyǵy daqyldaryn ósirýdiń ıntegrasııalanǵan júıesi men tehnologııasyn engizý» máselesine bıologııa ǵylymdarynyń doktory, akademık Abaı Saǵıtov toqtalyp ótse, «Veterınarlyq salaýattylyqty qamtamasyz etýdegi Qazaq VǴZI» taqyrybyndaǵy baıandamasynda veterınarııa ǵylymdarynyń doktory, akademık Ahmetjan Sultanov veterınalyq baǵyttaǵy zamanaýı qadamdar men ózekti máseleleri turǵysynda ǵylymı tujyrymdarymen bólisti.
