– Sizdiń Slovakııanyń Syrtqy ister mınıstri ári Eýropadaǵy qaýipsizdik jáne yntymaqtastyq uıymynyń qazirgi tóraǵasy retinde Nur-Sultan qalasyna kelgenińizge qýanyshtymyn, – dedi Memleket basshysy.
Halyqaralyq uıym jetekshisi EQYU-nyń maqsaty qaqtyǵystardyń aldyn alý, qaýipsizdikti qamtamasyz etý, jan-jaqty tıimdi yntymaqtastyq ornatý ekenin atap ótti, sondaı-aq Qazaqstannyń halyqaralyq daǵdarystardy retteýdegi strategııalyq róline erekshe toqtaldy.
– Meni jáne delegasııamyzdy qabyldaýǵa ýaqyt tapqanyńyz úshin Sizge alǵys aıtamyn. Múmkindikti paıdalana otyryp, Prezıdent laýazymyna kirisýińizben quttyqtaımyn, sondaı-aq Sizge jáne elińizge zor tabys tileımin. Eýropadaǵy qaýipsizdik jáne yntymaqtastyq uıymynyń tóraǵasy retinde Qazaqstanǵa kelgenime qýanyshtymyn, – dedi Mıroslav Laıchak.
Kezdesý aıasynda taraptar kún tártibindegi óńirlik jáne halyqaralyq ózekti máselelerdi talqylap, Qazaqstan Respýblıkasynyń Eýropadaǵy qaýipsizdik jáne yntymaqtastyq uıymymen yqpaldastyǵynyń perspektıvalaryna toqtaldy.
