«Aqyl» bilimge qarjy salýǵa aqyl qosady

«Qarjy Ortalyǵy» AQ prezıdenti Asqar Ibragımov 2013 jylǵy 14 qańtardaǵy «Memlekettik bilim berý jınaq­taý júıesi – halyq úshin bank­te óziniń oqýyna nemese bala­la­ry­nyń bolashaqta oqýyna aqsha qarajatyn jınaqtap, oǵan bank­ten jáne memleketten 5 pen 7 paıyzǵa deıingi mólsherde syıaqy alýǵa berilgen múmkindik ekenin jetkizdi. Onyń aıtýynsha, MBJJ 2018 jyly «Aqyl» dep atalatyn óziniń jeke brendin aldy. Atalǵan baǵdarlama qolda­nys­qa engizilgeli 2 ,5 mlrd teńge somasyna memleket syıaqysy aýdarylǵan. Sonymen qatar bul soma kólemi jyl saıyn ósip keledi. Máselen, 2015 jyly 656 salymshydan 4 mln teńge jınaqtalsa, 2019 jylǵy esep boıynsha 15 636 salymshyǵa 

Al «Qarjy Ortalyǵy» AQ departament dırektory Birjan Álimjanov: «Halqymyzda jaqsy sóz bar. «Bir jyldyǵyn oılaǵan el bıdaı egedi, júz jyldy­ǵyn oılaǵan el aǵash egedi, al myń jyldyǵyn oılaǵan el sana­ly urpaq tárbıeleıdi». Sizderge usynyp otyrǵan bul baǵdar­la­ma­nyń máni men mazmuny da osy qanatty sózdiń aıasynda bolyp otyr. Ár ata-ana balasynyń bilim­di bolǵanyn qalaıdy. Al osy baǵyt óz kezeginde sol múmkin­dikke qol jetkizýge, bala bola­shaǵyna senimmen qaraýǵa múm­kindik beredi», deı kele, depozıt ashýǵa nıetti azamattardyń qaı bankke barýǵa bolatynyn atap ótti. Onyń sózine súıensek, MBJJ salymdaryn Halyq banki (10,4%); Sesnabank (8,3%); Nurbank (10,5%); VTB bank (6,2%) bankteri arqyly ashýǵa bolady.

Sonymen birge B.Álimjanov «Aqyl» depozıtterin ashýǵa qajetti qujattardyń az ekenin jáne alǵashqy salatyn soma da azamat­tardyń áleýmettik jaǵ­da­ıyna saı, ıaǵnı 7575 teń­ge­ni quraıtynyn aıtty. Onyń málim­deýinshe, depozıt­ter úshinshi tulǵalardyń aqshany óndirip alý sharalarynan qorǵalǵan ári 10 mln teńgege deıingi somada mem­leket tarapynan kepilden­di­rilgen.

«Aqyl» depozıtteriniń alǵash­qy salymshylary búginde stýdent atanyp úlgergen. MBJJ salymdarynyń esebinen bilim alyp júrgen stýdentterge monıtorıng júrgizý nátıjesinde 489 salymshynyń otandyq ári sheteldik kolledjder men JOO-larda bilim alyp jatqany anyqtaldy.