Qyzylorda oblysynyń ákimi Q.Kósherbaev 2019 jyldyń 1 qańtarynan bastap Qazaqstanda turmystyq qatty qaldyqtardy bólek jınaý jáne óńdeý týraly zań kúshine engenin eske saldy.
«2018 jylǵy 19 jeltoqsanda meniń tóraǵalyǵymmen turmystyq qatty qaldyqtardy ornalastyratyn polıgondardy ekologııalyq jáne sanıtarlyq talaptarǵa sáıkestendirý, qaldyqtardy tasymaldaýǵa baılanysty bekitilgen tarıfter boıynsha jáne káriz sý júıelerinen tastalatyn las sýlardyń qorshaǵan ortaǵa, adam densaýlyǵyna keri áseri týraly májilis ótkizildi. Májiliste qala, aýdan ákimderi men energetıka jáne turǵyn úı-kommýnaldyq sharýashylyq basqarmasyna birqatar tapsyrmalar berildi»,-dedi aımaq basshysy.
Osy tapsyrmalardyń oryndalý barysy týraly oblystyq tabıǵı resýrstar jáne tabıǵatty paıdalanýdy retteý basqarmasynyń basshysy Aıdar Abdýalıev baıandady.
«Turmystyq qatty qaldyqtardy tasymaldaýdy, óńdeýdi, paıdalanýdy jáne kádege asyrýdy uıymdastyrý, qaldyqtardy bólek jınaýǵa arnalǵan júıeniń ınfraqurylymyn damytý boıynsha Astana qalasyndaǵy «О́ndirýshilerdiń Keńeıtilgen Mindettemeleriniń Operatory» (Operator-ROP) Jaýapkershiligi shekteýli seriktestiginiń ókilderi arnaıy shaqyryldy. «KazAgroGarant» aksıonerlik qoǵamynyń sharty boıynsha 85% deıin kepildikpen qamtamasyz etedi. Mundaı qoldaýlar jeke kásipkerlerge kásibin odan ári damytýǵa múmkindik beredi. Alaıda, aýdandardaǵy kásipkerler bul múmkindikti paıdalanbaı otyr. Budan bólek, makýlatýra, plastıka qaldyqtaryn qaıta óńdeýdi júzege asyratyn jeke kásipker «Avgýst» árbir mekemede quralatyn qaǵaz, plastıka qaldyqtaryn óz esebinen jınap, tasymaldaýǵa daıyn. Basqa mekemelerge úlgi bolý maqsatynda «Avgýst» jeke kásipkerimen oblystyq mekemeler úıiniń ǵımaratyna qaǵaz, plastık qaldyqtaryn bólek jınaýǵa arnalǵan 300 dana ekobokstardy ornatýǵa kelissózder júrgizilýde»,-dedi A.ÁAbdýalıev.
Qyzylorda oblysynyń ekologııa departamenti basshysynyń aıtýynsha, mamandardyń baǵalaýyna sáıkes Belkól kentinde tazalanbaǵan káriz sýlardy tógý arqyly qorshaǵan ortany lastap, atmosferalyq aýadaǵy zııandy zattardyń artýyn týdyrady.
Keńes qorytyndysy boıynsha oblystyq mekemelerdiń basshylary men qala jáne aýdan ákimderine memlekettik-jekemenshik áriptestik sheńberinde qaldyqtardy jınaý jáne kádege jaratý úshin polıgondar salý máselelerin zerdeleý jáne sarqyndy sýlardy kádege jaratý máseleleri boıynsha naqty usynystar engizý tapsyryldy.
