Birinshisi – geosaıasat. Elbasynyń óz ókilettigin toqtatýy kópshilik úshin kútpegen jaǵdaı boldy. Qytaı elshisi el basshylyǵymen alǵashqy kúnderi bes ret jolyqqanyn eske alýǵa bolady. Iаǵnı, bizge álemdik ızolıasııada da, strategııalyq ekiudaılyqta da qalýǵa bolmaıdy. Bul syrtqy kúshterdiń ishki isimizge aralasý qaýpin týǵyzady.
Ekinshisi – ınvestısııalyq jáne bıznes klımat. Otandyq jáne álemdik bıznes buǵan deıin qabyldanǵan «oıyn erejeleriniń» taǵdyryn kútip otyr. Olar ne jalǵasa berýi qajet, ne múldem jańa erejeler qabyldanýy tıis. Aıtpaqshy, ishki ınvestısııalar byltyrǵy jylmen salystyrǵanda eki ese azaıǵan.
Úshinshisi – saıası ısteblıshment pen memlekettik apparattyń birligi. Bizdiń elıta belgisizdik jaǵdaıynda tıimdi jumys isteı almaıdy. Eger ótpeli kezeń sozylyp ketse, onda memlekettik apparat pen elıta baǵdarsyz qalýy múmkin. Sáıkesinshe, saılaýdy kelesi jylǵa deıin qaldyrsa, qoǵamda turaqsyzdyq ornaýy ǵajap emes.
Tórtinshisi – saılaý jaǵdaıdy tynyshtandyrýǵa, 2001 jylǵy jikke bólinýdi umytýǵa, saıası-partııalyq júıeni qaıta jasaqtaýǵa jaqsy múmkindik beredi. Qazirdiń ózinde bes-alty tulǵa óziniń partııalyq ambısııasy jaıly málimdeýge daıar. Bul saılaý – olarǵa da múmkindik.
