Jumys tobynyń quramynda Eńbek jáne halyqty áleýmettik qorǵaý mınıstri Berdibek Máshbekuly Saparbaev, Bilim jáne ǵylym mınıstri Shamshıdınova Kúlásh Noǵataıqyzy, Densaýlyq saqtaý vıse-mınıstri Aqtaeva Lázzat Meırashqyzy, Investısııalar jáne damý mınıstrliginiń Qurylys jáne turǵyn úı kommýnaldyq sharýashylyq komıtetiniń tóraǵasy Jaıymbetov Marhabat Jaıymbetuly bar Úkimet delegasııasy oblys turǵyndarymen júzdesti.
Jumys sapary «Báıterek» shaǵyn aýdanyndaǵy turǵyn úıler kópbalaly otbasylarǵa arnalǵan «Balameken» jobasy negizinde salynǵan qurylys alańynan bastaldy. Munda oblystaǵy az qamtylǵan jáne kópbalaly 150 otbasy oblystyq bıýdjet qarajaty men qaıyrymdylyq qorynyń kómegi arqasynda turǵyn úımen qamtamasyz etiledi.
Baspananyń 1 sharshy metriniń quny 70 myń teńge dep belgilengen. Turǵyn úı qurylysy 1 qyrkúıekke deıin aıaqtalady dep josparlanyp otyr. «Bolat О́temuratov qory» turǵyn úılerdi salý boıynsha «Balameken» jobasynyń júzege asyrylýyna 450 mln teńge bóldi. Al jergilikti basshylyq bul ýaqytqa deıin barlyq ınjenerlik ınfraqurylymdar - elektr, gaz, sý, telefon baılanysy men avtojoldar qurylysyn aıaqtaýǵa, sondaı-aq árbir úıge 6 sotyq jer telimin bólýge kepildik berip otyr.
Budan soń QR Premer-Mınıstriniń orynbasary G.Ábiqalyqova B.Saparbaevpen birge 6 balany tárbıelep otyrǵan kópbalaly otbasy Zarına Hamzatovanyń úıinde boldy. Ol oblys basshylyǵyna kóp balaly anany jumysqa ornalastyrýda járdemdesýge tapsyrma berdi.
Kelesi jıyn «Dostyq úıinde» ótti. Osy jerde úkimet delegasııasy kópbalaly analarmen, az qamtylǵan otbasylarmen, eńbek ardagerlerimen, múgedektermen, muǵalimdermen, dárigerlermen, qoǵam ókilderimen kezdesti. О́z sózinde Premer-Mınıstrdiń orynbasary memlekettik saıasattyń basty basymdyǵy halyqtyń ál-aýqaty ekenin basa aıtty. Ol úshin búgingi kúni ómir sapasy men deńgeıin arttyrý boıynsha qajetti sharalar qoldanýda. Sonymen qatar basty mindet halyqty jumyspen qamtý bolyp tabylady, al áleýmettik áljýaz sanattarǵa jan-jaqty memleketpen qoldaý kórsetiledi.
Elbasynyń jańa áleýmettik basttamalaryna qoldaý bildirgen keńeske qatysýshylar túsindirý suraqtarynan basqa, áleýmettik saıasatty jetildirý boıynsha usynystaryn bildirdi.
Budan ári jumys sapary qala jáne aýdan ákimderi, kásiporyndardyń, bıznes qurylymdardyń jáne kásipodaqtardyń basshylary qatysqan jınalyspen jalǵasty. Onda bıznestiń áleýmettik jaýapkershiligin damytý, óńirdiń az qamtylǵan jumyskerleri men turǵyndaryna áleýmettik kómek kórsetý máseleleri qarastyryldy.
Gúlshara Ábdiqalyqova ekonomıkanyń naqty sektorlaryn, bıznes–qaýymdastyqtardy memlekettiń áleýmettik saıasatyn iske asyrýǵa belsene qatysýǵa shaqyrdy.
Erkin formatta ótken jıynda Qyzylorda oblysynyń 2016-2019 jyldarǵa arnalǵan Bilim berý men ǵylymdy damytýdyń memlekettik baǵdarlamasyn iske asyrý jaıy talqylandy.
Vıse-premer bilim berý mınıstrimen óńirdegi bilim berý salasyndaǵy aǵymdaǵy jaǵdaıdy, ózekti máselelerdi jáne ony sheshý joldaryn qarastyrdy. Sonymen qatar pedagog qaýymǵa 1 maýsymnan bastap jalaqyny 30%-ǵa arttyrý boıynsha túsinik berildi. Sonymen qatar, muǵalimniń qoǵamdaǵy bedeli men róli arttyrýǵa baǵyttalǵan «Muǵalim mártebesi týraly» zań jobasy talqylandy.
Premer-Mınıstrdiń orynbasary jáne eńbek jáne halyqty áleýmettik qorǵaý mınıstri Qyzylorda qalasynyń Jumyspen qamtý ortalyǵynyń jumysyn tekserdi. Jańa formattaǵy ataýly áleýmettik kómekti taǵaıyndaý algorıtmi tolyq qarastyryldy. Jalpy, oblys ortalyǵynda 2018 jyly jumyspen qamtý sharalarymen 3,6 myńnan astam adam qamtyldy, 7,7 myńnan astam adam jumysqa ornalastyryldy, 225 adamǵa kredıtter men granttar berildi, 54 otbasy kóshirildi.
О́ńirdegi jumys sapary sońynda Premer-Mınıstrdiń orynbasary G. Ábdiqalyqova azamattardy jeke qabyldap túıindi máselelermen tanysty. Oblys ákimdigine jaǵdaıy aýyr otbasylardyń máselesin sheshýdi tapsyrdy.
Jumys saparynda Bilim jáne ǵylym mınıstri K. Shámshıdınova «Shaǵban» balabaqshasynyń, «IT-IMAQORDA» balalar tehnoparkiniń, № 268 orta mekteptiń jáne «Atamenken» otbasylyq úlgidegi balalar aýylynyń ustazdar qaýymymen kezdesip, problemalarmen tanysty, sheshý tetikterin talqylady. Densaýlyq saqtaý vıse-mınıstri L.Aqtaeva balalar aýrýhanasynyń, №6 emhananyń dárigerlerimen jáne medbıkelerimen kezdesti. Al Qurylys jáne turǵyn-kommýnaldyq sharshýashylyq isteri komıtetiniń tóraǵasy M. Jaıymbetov Syrdarııa aýdanynda boldy.
Endi Úkimettik delegasııanyń jumys sapary Shymkent qalasynda jáne Túrkistan oblysynda jalǵasatyn bolady.
