Saıasat • 10 Sáýir, 2019

N.Dáýeshov: Prezıdent saılaýyn mezgilinen buryn ótkizý týraly sheshimdi qoldaımyz

1610 ret
kórsetildi
1 mın
oqý úshin

Elimiz Táýelsizdikke qol jetkizgen 28 jyl ishinde Tuńǵysh Prezıdentimiz – Elbasy Nursultan Ábishulynyń arqasynda elimizdiń ekonomıkasy men áleýmettik jaǵdaıy qarqyndy damydy, bilim men mádenıet salasy da zor tabystarǵa jetken biregeı turaqty memleket bolyp qalyptasty.

N.Dáýeshov: Prezıdent saılaýyn mezgilinen buryn ótkizý týraly sheshimdi qoldaımyz

Nursultan Ábishuly Nazarbaevtyń Prezıdent laýazymynan óz erkimen bas tartyp, ókilettigin toqtatý jóninde sheshim qabyldaǵannan keıin, Qazaqstan Respýblıkasy Konstıtýsııasynyń 48-babynyń 1-tarmaǵyna sáıkes, bul jaýapty mindetti Parlament Senatynyń Tóraǵasy oryndaıdy. Ol osy qyzmetti jańa Prezıdent saılanǵanǵa deıin atqarady.

Sol sebepti qazirgi ýaqyttaǵy Qazaqstan Respýblıkasynyń Prezıdenti Qasym-Jomart Toqaevtyń búgingi, ıaǵnı 2019 jyldyń 9 sáýirindegi Qazaqstan halqyna Úndeýinde aıtqan Prezıdent saılaýyn mezgilinen buryn ótkizý týraly sheshimin qoldaımyz.

Qasym-Jomart Kemeluly Toqaevtyń bul sheshimi elimizdegi turaqtylyqty saqtap qalý úshin jáne beıbitshilik pen baqytty bolashaq úshin jasalǵan tarıhı sheshim dep oılaımyn.


Dáýeshov Nurǵısa Muratuly

Qurmanǵazy atyndaǵy Qazaq memlekettik akademııalyq ulttyq aspaptar orkestriniń dırektory