Jıynǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti, Sybaılas jemqorlyqqa qarsy is-qımyl Ulttyq bıýrosynyń Mańǵystaý oblysy boıynsha departamenti basshylyǵy, Mańǵystaý oblysy «Atameken» kásipkerler palatasynyń dırektory, arnaıy, quqyq qorǵaý jáne barlyq memlekettik organdarynyń basshylary qatysty. Sonymen birge qala jáne aýdan ákimderi beınekonferensııa arqyly baılanysqa shyqty.
Sharada Jobalyq keńseniń kýratory, oblys ákiminiń birinshi orynbasary Álıhan Qyraýbaev joba aıasynda atqarylyp jatqan jumystarǵa toqtaldy. Jobanyń negizgi mindeti – turǵyndardyń sybaılas jemqorlyqqa qarsy minez-qulyq úlgisin odan ári damytý jáne jemqorlyq máselesin, memlekettik qyzmet kórsetý sapasyn arttyrý arqyly sheshý, turmystyq sybaılas jemqorlyqty joıyp, azamattar men bıznes úshin kedergisiz, qolaıly jaǵdaılar jasaý bolyp tabylady.
Atalǵan joba aıasynda bekitilgen tıisti josparmen qala jáne aýdan ákimdikterinde, memlekettik organdarda azamattardy kóshpeli qabyldaý jumystaryn uıymdastyrý, mekeme basshylarynyń kásibı qyzmetteri boıynsha ınternet-konferensııalar ótkizýdi, Memlekettik korporasııasy fılıaldarynda jáne jergilikti atqarýshy organdar men uıymdarda, ıaǵnı qyzmet kórsetýshi mekemelerde «jasyryn satyp alýshy» ádisi arqyly kórsetilgen qyzmet sapasyna taldaý jáne t.b. osyndaı baǵyttarda jumystardy uıymdastyrady.
Aıta ketý qajet, búgingi kúnge deıin joba aıasynda feısbýk áleýmettik jelisine 20 ótinish, vatsap jelisine 15 ótinish kelip túsip, máseleler boıynsha tıisti jaýaptar berilgen. Sonymen qatar, «Mańǵystaý – adaldyq alańy» jobasynyń sheńberinde birqatar jumystar atqarylǵan. Olardyń ishinde bıýdjet qarajatyn únemdeý boıynsha ońtaılandyrý; jalǵan medısınalyq anyqtama jasaýdy qadaǵalaý, monıtorıng júrgizý, oblys boıynsha avtomobıl joldarynda ornalasqan jol belgileri boıynsha monıtorıng júrgizip, turǵyndardyń usynystaryn tyńdaý sekildi jumystar óz jalǵasyn tabýda.
Jıyn barysynda sóz alǵan QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy, jobalyq keńseniń teń kýratory N.Jannazarova qolaıly ınvestısııalyq ahýaldy qalyptastyrý jáne bıznes pen ınvestorlardyń memlekettik bılik ınstıtýttaryna degen senimin arttyrý maqsatynda júzege asyp jatqan «Bıznes jáne ınvestısııalardy qorǵaý» atty jobasyn túsindirip ótti.
«Sybaılas jemqorlyqqa qarsy is-qımyl týraly» Zańyna sáıkes, sybaılas jemqorlyqqa qarsy is-qımyldyń negizgi qaǵıdattarynyń biri jarııalylyq jáne ashyqtyq qaǵıdaty bolyp tabylady.
Qazirgi jaǵdaıda osy qaǵıdatty iske asyrýdyń tabystylyǵy -memlekettik organdardyń óz ınternet-resýrstaryna aqparatty ornalastyrýy, aqparatqa ashyq qol jetkizýdi usynýy, qyzmettiń aıqyndyǵyn qamtamasyz etýge baǵyttalǵan zańdar men ózge de normatıvtik quqyqtyq aktileriniń talaptaryn oryndaýymen júzege asyrylady.
Osyǵan baılanysty Departament basshysy oblystyq basqarmalardyń ınternet-resýrstary kontentiniń syrtqy taldaýy «Aqparatqa qol jetkizý týraly» Zańymen belgilengen talaptardyń tolyq oryndalmaǵanyn jetkizdi.
Sonymen qatar, basqarmalardyń resmı ınternet – resýrstarynda 2015 – 2025 jyldarǵa arnalǵan QR Sybaılas jemqorlyqqa qarsy strategııasyn iske asyrý boıynsha 2018 – 2020 jyldarǵa arnalǵan is-sharalar jospary, sondaı-aq jospardyń oryndalýy boıynsha atqarylǵan jumystar týraly aqparat joqtyǵyn, qoǵamda sybaılas jemqorlyqqa qarsy mádenıetti qalyptastyrý boıynsha jergilikti atqarýshy organdar arasynda semınarlar men dóńgelek ústelder uıymdastyrý boıynsha kórsetkishtiń tómendigin atap ótti.
Sharaǵa qatysqan Sybaılas jemqorlyqqa qarsy is-qımyl Ulttyq bıýrosynyń Mańǵystaý oblysy boıynsha departamenti basshysynyń orynbasary Erbólek Mahambet sybaılas jemqorlyqqa qarsy is-qımyl baǵytynda atqarylǵan jumystar jóninde, Mańǵystaý oblysy «Atameken» kásipkerler palatasynyń dırektory Nurbek Qarasaev oblystaǵy kásipkerlerdiń quqyqtaryn qorǵaý jáne áleýmettik zertteý qorytyndylary týraly baıandady. Sondaı-aq, Mańǵystaý oblysynyń jer qatynastary basqarmasynyń, Mańǵystaý oblysynyń qurylys, sáýlet jáne qala qurylysy basqarmasynyń jáne oblystyq memlekettik sáýlet-qurylys baqylaý basqarmasynyń basshylary da atqarylǵan jumystaryna qysqasha toqtalyp ótti.
Jıynǵa qatysqan aımaq basshysy sybaılas jemqorlyq táýekelderi bolýy múmkin barlyq mańyzdy máselelerdi «Mańǵystaý – adaldyq alańy» jobasynyń sheńberinde sheshýdi, «Bıznes jáne ınvestısııalardy qorǵaý» jobasy aıasynda kásipkerler men ınvestorlardy tartý, turǵyndardyń suraqtary men aryz-shaǵymdaryna ýaqytymen jaýap berilýin, sonymen qatar, memlekettik mekemelerdiń jeke saıttarynda aqparattyń júıeli shyǵyp turýyn qadaǵalaýdy tapsyrdy.
