Sońǵy jyldary sý tasqyny máselesi óte ózekti, keı jerlerde klımattyq jaǵdaılar ózgerýde. Budan buryn salynǵan joldar, ásirese kóktemgi sý tasqyny kezeńinde, erigen sýdyń ótýin qamtamasyz etpeıtindikten, Mınıstrlik atalǵan baǵytta keshendi jumys júrgizip jatyr.
«Rekonstrýksııalaý men jańa joldardy salý kezinde biz klımattyq jaǵdaılardy eskeremiz. Arnaıy zertteýler júrgizildi, osylaısha biz jańa jobalarda barlyq máselelerdi eskeremiz: erigen sýlardyń ótý oryndary qaıta qarastyrylady, keıbir qubyrlardaǵy tesikter úlkeıtiledi, erigen sýlardy qaýipsiz ótkizý úshin barlyq qoljetimdi tehnologııalar qoldanylady», - dedi S. Ábilálıev.
