Saıasat • 10 Sáýir, 2019

Ekonomıkalyq belsendiliktiń oń dınamıkasy: I toqsan qorytyndysy boıynsha QR JIО́ 3,8%-ǵa ósti

697 ret kórsetildi

Búgin Elbasy Nursultan Nazarbaevtyń tóraǵalyǵymen Qaýipsizdik Keńesiniń otyrysy ótti, onda elimizdiń áleýmettik-ekonomıkalyq damýynyń 2019 jyldyń birinshi toqsanyndaǵy nátıjeleri qaraldy. Osy másele boıynsha QR Premer-Mınıstriniń Birinshi Orynbasary – qarjy mınıstri Á. Smaıylov baıandama jasady.

Osy jyldyń birinshi toqsanynda ekonomıkalyq belsendiliktiń oń dınamıkasy saqtalyp otyr. Oǵan tómendegi sandar dálel:

  • Jalpy ishki ónim 3,8% ósti.
  • Jyldyq ınflıasııa 4,8% deıin tómendedi.
  • Negizgi kapıtalǵa salynǵan ınvestısııalar 7% ósti.
  • О́nerkásip óndirisi 3,2% ósti.
  • Hımııa ónerkásibi, qurylys materıaldaryn óndirý, mashına jasaý 10% ósti. Avtokólik óndirisi 33% ósti.
  • Qurylys jumystarynyń kólemi 8,9% ósti.
  • Kólik jáne qoımalandyrý qyzmetiniń kólemi 4,4% ósti.
  • Aýyl sharýashylyǵy óndirisiniń ósimi 3,6% qurady.
  • Osy jyldyń 2 aıyndaǵy syrtqy saýda aınalymy 7,5%-ǵa, onyń ishinde eksport — 11,1%-ǵa, ımport — 0,3%-ǵa ósti.
  • Ishki saýdanyń kólemi 7,2% ósti.
  • Osy jyldyń 2 aıynda ekinshi deńgeıli bankter bergen jańa nesıeler kólemi 1,9 trln teńgeni qurady. 2018 jyldyń osyndaı kezeńimen salystyrǵanda bul 11% kóp.
  • Eńbek naryǵyndaǵy jumyssyzdyq deńgeıi 4,8% tómendedi.
  • Bıyl qańtar-aqpandaǵy halyqtyń orta eseppen jan basyna shaqqandaǵy aqshalaı tabystary naqty kórinisinde 2018 jyldyń qańtar-aqpanymen salystyrǵanda 9,4%-ǵa ósti.

Sońǵy jańalyqtar

Uqsas jańalyqtar