Qala ákiminiń orynbasary Malıka Bekturovanyń aıtýynsha, Nur – Sultan qalasynda PIK jáne qyzmet kórsetetin uıymdardyń qyzmetkerlerin oqytylatyn bolady.
Qala ákiminiń tapsyrmasyna saı Polıtehnıkalyq kolledj bazasynda qyzmet kórsetýshi uıymdar men páter ıeleri kooperatıvi qyzmetkerlerin kásibı daıarlaý jáne olardyń biliktiligin arttyrý boıynsha oqý ortalyǵynyń jobasy ázirlendi.
«Atalǵan oqý ortalyǵynda turǵyn úı salasyndaǵy kásibı mamandardy daıarlaý, kórsetiletin qyzmetterdiń sapasyn arttyrý jáne de turǵyndardy jaıly jaǵdaımen qamtamasyz etý baǵyttary qamtylatyn bolady», – dedi Malıka Bekturova. Oqý ortalyǵynyń baǵdarlamasyn Polıtehnıkalyq kolledj, Saryarqa aýdany ákimdigi jáne qyzmet kórsetýshi uıymdardyń qyzmetkerleri birlese ázirledi. Baǵdarlamaǵa qatysýshylar – turǵyn úılerge qyzmet kórsetetin 430 basqarýshy kompanııa.
«Oqý baǵdarlamasy 2 aı kóleminde júrgiziledi jáne 288 saǵattan turatyn 10 modýldi quraıdy. Olar: normatıvtik - quqyqtyq qujattar, ǵımaratty ınjenerlik–tehnıkalyq jabdyqtaý, qaýipsizdik tehnıkasy, kondomınıým nysandaryn basqarý, josparlaý, uıymdastyrý jáne taǵy basqalary. Oqý barysynda tyńdaýshylar turǵyn úı – kommýnaldyq sharýashylyǵynda kórsetiletin qyzmetke baılanysty týyndaıtyn máselelerdi taldaý jáne júıelendirýmen aınalysatyn bolady», – dedi M. Bekturova.
Sonymen qosa, olar kóp páterli turǵyn úılerdi basqarý tıimdiligin qamtamasyz etetin mehanızmdi ázirleýge qatysady. Jobany qarjylandyrý servıstik kompanııalardyń jeke qarajattary esebinen iske asyrylady dep josparlanýda. Jan basyna shaqqanda 1 aılyq oqý quny 30 000 (otyz myń) teńgeni quraıdy.
Búgingi tańda Qurylys-tehnıkalyq, Turan-profı qalalyq sharýashylyq, Indýstrıaldy-ınjenerlik ekonomıkalyq kolledjderinde: slesar-mehanık, tehnık-santehnık, jeldetkish júıeleriniń qurastyrýshysy mamandyqtary boıynsha bilim beriledi. Qazirgi kezde 327 stýdent memlekettik tapsyrys esebinen oqyp jatyr. Bıyl 100 adamǵa taǵy da memlekettik tapsyrys ornalastyrylady, onyń 50 jergilikti bıýdjet, 50 respýblıkalyq bıýdjet esebinen mamandyqty ıgermek. Jospar boıynsha 37,2 mln.teńge bólinedi.
Sonymen qatar, Polıttehnıkalyq kolledjinde «KNAÝF», «BOSCH», «INGRI» sııaqty 3 resýrstyq ortalyq jáne «TehnoNIKOL» «Bosch Thermotechnik» 2 oqý ortalyq jumys isteıdi.
Bul jobalardyń maqsaty qurylystyń qurǵaq ádisi (KNAÝF tehnologııasy) boıynsha mamandar daıarlaý (búginge deıin 1140 maman daıarlandy); elektr quraldary men Bosh jabdyǵy salasynda kásibı bilim berý sapasyn jaqsartý (búgingi kúnge 222 adam sertıfıkat aldy).
Sonymen qatar, 5 sáýirde Polıtehnıkalyq kolledj Bilim jáne ǵylym mınıstrliginen «Gazben qamtamasyz etý jabdyqtary men júıelerin qurastyrý jáne paıdalaný» mamandaryn daıyndaý boıynsha oqý lısenzııasyn aldy. Oqý barysynda tehnık biliktiligimen «Gaz obektileri qural-jabdyǵyn paıdalaný tehnıgi», «Gaz sharýashylyǵynda apatty qalpyna keltirý jumystarynyń slesari», «Gaz qubyrlaryn paıdalaný jáne jóndeý slesari» sııaqty qosymsha eki jumysshy mamandyǵy beriletin bolady.
«Aldaǵy 3 jyl ishinde gazdandyrý salasy boıynsha mamandardy daıarlaıtyn bolamyz. Bıyl, suranysqa sáıkes, 25 orynǵa memlekettik tapsyrys ornalastyrylady. Atalǵan mamandardy daıarlaý sapasyn arttyrý maqsatynda kolledj bazasynda Bosch Thermotechnik kompanııasymen birlesken oqý ortalyǵy ashyldy. Árbir baǵdarlama boıynsha halyqaralyq sertıfıkattaý júrgiziledi. Osylaısha, jetekshi tehnologııalardyń iri halyqaralyq óndirýshilerimen yntymaqtastyq qatynasy kolledjdi jańa standarttar boıynsha kadrlardy daıarlaýdyń mańyzdy alańyna aınaldyrdy», – dedi Bekturova.
