Bul kúni vıse-premer birqatar áleýmettik jáne ónerkásiptik nysandardy aralady. Atap aıtqanda, G.Ábdiqalyqova M.Áýezov atyndaǵy Ońtústik Qazaqstan memlekettik ýnıversıtetinde stýdenttermen kezdesý ótkizdi, onda memlekettik jastar saıasatynyń negizgi baǵyttary, sondaı-aq Jastar jyly aıasyndaǵy is-sharalardyń júzege asyrylý barysy talqylandy.
G. Ábdiqalyqovanyń kelesi baǵyty «Ońtústik» AEA boldy, onda ol jańa tehnologııalar boıynsha óndirý shulyq, kilem buıymdaryn jáne aıaq kıim ónimderin shyǵaratyn «Álem BT» JShS, «LuxShoes» BK, «Bal tekstıl» óndiristik kásiporyndarynyń jumysymen tanysty. 1 sáýirdegi jaǵdaı boıynsha AEA aýmaǵynda jalpy somasy 29,5 mlrd.teńgege 13 joba iske asyrylyp, 1396 jumys orny ashyldy, onyń ishinde 1227 kóp balaly jáne az qamtylǵan otbasylar úshin.
Odan keıin vıse-premer «Qaınar» bıznes ortalyǵynda aýdan ákimderimen, iri kásiporyndardyń, bıznes-qurylymdardyń jáne kásipodaq uıymdarynyń basshylarymen áleýmettik áriptestik pen áleýmettik jaýapkershilikti damytý máseleleri boıynsha jıyn ótkizdi.
Is-sharada Gúlshara Ábdiqalyqova Elbasynyń sózinen elimizdiń áleýmettik-baǵdarly memleket retinde damýy basymdyqqa ıe ekenin atap ótti. Áleýmettik masyldyqqa jol berýge bolmaıdy. Ol bıznes-qoǵamdastyqtardy az qamtylǵan qyzmetkerlerge belsendi kómek kórsetýge, jergilikti jerde olardyń ózekti máselelerin sheshýge shaqyrdy.
Sapar aıasynda Premer-Mınıstrdiń orynbasary qalalyq aýmaqtyq áleýmettik qyzmet kórsetý ortalyǵynyń jumysymen tanysty. Munda qyzmet alýshylardyń jeke qajettilikterin, olardyń áleýmettenýin, qorshaǵan ortaǵa beıimdelýin eskere otyryp, rýhanı-tanymdyq, emdeý-túzetý jumystaryn júrgizý arqyly arnaýly áleýmettik qyzmetter kórsetiledi. Jyl saıyn 300 adam ońaltý qyzmetin alady.
Sonymen qatar, G. Ábdiqalyqova «Samǵaý senim» ortalyǵynda boldy, onda qatygezdikpen qaraý saldarynan ómirlik qıyn jaǵdaıda júrgen adamdar men otbasylarǵa, turmystyq zorlyq-zombylyq pen adam saýdasynyń qurbandaryna kómek kórsetiledi. Búgingi tańda, bul jerden 227 adam arnaıy áleýmettik qyzmet aldy.
Vıse-premer qalalyq jumyspen qamtý ortalyǵynyń jumysyn tekserdi. Jyl basynan mekeme 5810 azamatqa qyzmet kórsetken. Turaqty jumysqa 2437 adam ornalastyrylǵan. Búgingi kúni 5430 bos jumys orny bar.
Sondaı-aq, Premer-Mınıstrdiń orynbasary az qamtamasyz etilgen otbasyna baryp, olardyń ómir súrý jaǵdaıymen tanysyp, olardy qyzyqtyratyn áleýmettik sıpattaǵy suraqtarǵa jaýap berdi.
Jumys saparynyń sońǵy sharasy Gúlshara Ábdiqalyqova ótkizgen azamattardy jeke qabyldaý boldy. Atap aıtqanda, 5 jas balany tárbıelep otyrǵan kóp balaly ana Ázıza Mamanazarovanyń turǵyn úı máselesi sheshildi. Mamyr aıynda ol kópten kútken páterge ıe bolady.
Kún sońynda úkimettik delegasııa Jambyl oblysyna jolǵa shyqty.
