Jalpy aýdan aýmaǵyndaǵy 61 myń gektarǵa jýyq egistik jerdiń 58 myń gektar alqabynda sor shaıý jumystary júrgizilgen. Qazirgi tańda17 401 gektaralqap tyrmalanyp,7 681 gektaralqap chızeldenipti. Sonymen qatar, erte egilgen kókónis kólemi 342 gektarǵa, dándi daqyldar 127 gektarǵa, baqsha 4 311,5 gektarǵa, júzim 5 gektarǵa jetken. Kóktemgi dala jumystarynyń bastalýyna baılanysty ótken oblystyq semınar-keńeste aýdan ákimi B.Asanov ár kúndi tıimdi paıdalanyp, mamyrdyń ortasyna deıin sharýalar maqta shıtin tolyq egip bitýi tıis ekenin atap ótti.
Maqtaly ólkeniń negizgi daqyly maqtany egý úshin 760 tonna tuqymdyq shıt daıyndalǵan. Mamandardyń keńesine sáıkes, maqta daqylynyń tıimdi egý merzimi retinde 20 sáýir men 25 mamyr aralyǵy belgilenip otyr. Aýdan ákiminiń aıtýynsha, kóktemgi dala jumystary úshin 954 aýyl sharýashylyǵy traktorlary, 415 chızel, 3 876 tyrma, 212 tuqym sepkish tehnıkalary saqadaı - saı tur. Sharýalar sońǵy 3 aıdyń ózinde 139,3 mln teńgege lızıngke jáne óz qarjylaryna 15 dana jańa tehnıka alǵan. Sondaı-aq dala jumystaryn júrgizýge 4160 tonna janar - jaǵarmaı bólinip, «Sapali Munai» JShS-i arqyly 2 925 tonna, «Alem Munai inves» JShS-i arqyly 1 235 tonna taratylýda.
