AQSh Qazaqstannyń jetekshi seriktesteriniń biri. Almaty qalasynda jylý kommýnıkasııa, qarjy, saýda jáne basqa salalarda amerıkandyq kapıtalmen 172 kásiporyn jumys isteıdi. Almaty men AQSh arasyndaǵy taýar aınalymy ótken jyldyń 11 aıy ishinde burnaǵy jyldyń osy kezeńimen salystyrǵanda 11%-ǵa ósken nemese 470 mıllıonnan astam AQSh dollaryn quraǵan.
«Keıde men ózimdi almatylyq retinde sezinemin, óıtkeni osynda 1996 jyldan úsh jyl qatarynan turdym. Ol ýaqyt men jáne otbasym úshin ǵajap kezeńder boldy, balalarym osy qalada ósti. Qazirgi kezde Almaty qalasy burynǵydan da nurlanyp ketipti, dınamıka seziledi, aýqymdy jobalar júzege asýda. Meni adamdar kóńildi qydyryp júrgen jaıaý júrginshilerdiń Panfılov kóshesi qatty qyzyqtyrdy. Júrginshi aımaqtarynyń, balalar alańdarynyń sany artypty, bul kóńil qýantady. Qalany adamdar ıgiligine aınaldyrý úshin atqarylyp jatqan oń ister kórinip tur. Biz qalaǵa strategııalyq mán beremiz jáne Bas konsýldyq úshin jańa nysan salýdy josparlaýdamyz, bul uzaq merzimdi áriptestik baılanysty damytýǵa oń yqpal etedi. Menińshe ınvestorlardy jáne Qazaqstanda eńbek etýge nıet bildirýshi túrli amerıkandyq kompanııalardy qyzyqtyrady dep oılaımyn», - dedi AQSh Elshisi Ýılıam Mozer.
Kezdesý kezinde Ýılıam Mozer Almatynyń AQSh-tyń Bas konsýldyǵy ornalasqan Orta Azııadaǵy jalǵyz qala ekenin atap ótti.
