Oǵan joǵarǵy jáne orta arnaýly oqý oryndarynyń stýdentteri, aýyl jáne qala jastary jáne taǵy basqa jastar uıymdary, «Jas Otan» jastar qanatynyń músheleri belsene qatysty. Aralda tazalyq jumystaryn júrgizip, kóshetter ekti.
Kelesi kúninde jastar «Uly dala kelbeti» taqyrybynda graffıtı baǵytyndaǵy sýretter saldy. Budan aryǵaraı festıval Uly Abaıdyń eskertkishine gúl shoqtaryn qoıyp, taǵzym etýge jalǵasty. Al Nevzorovtar otbasy atyndaǵy beıneleý óneri mýzeıinde «Zhas project» jobasynyń jeńimpazy, sýretshi Olga Chavkınamen qyzyqty kezdesý ótti. Olga «Perfomance» art-stýdııasynyń jetekshisi retinde sheberlik saǵattar ótkizdi. Qatysýshy jastar kóp tálim aldy, deıdi qaladaǵy Jastar resýrstyq Ortalyǵynyń dırektory Oljas Soǵymbaı.
Festıval sheńberinde ótkizilgen sheberlik saǵattarmen, dıalog alańdaryna 1500 adam qatysty. О́z salalarynyń úzdikteri sanalatyn «Álem barysy» Aıbek Nuǵymarov syndy sportshy, ıakı jas aqyn, sýretshi, sportshy jáne ártister qurdastaryna jetistikteri týraly aıtyp, tájirıbelerimen bólisti. Art-festıval kórkin ulttyq oıyndar men bıler qyzdyrdy. Birneshe taqyryptyq alańǵa bólingen qalalyq mádenıet saraıynyń aýmaǵynda jınalǵan jastar qazaqtyń ulttyq oıyndaryna qatysyp, karaokede súıikti ánderin shyrqaýǵa múmkindik aldy. Sonymen qatar «Dombyra party» aıasynda belgili qazaq kúıleri oryndaldy.
Art-festıvaldiń qorytyndy Gala-konsertine «Prajskıe shedevry» halyqaralyq festıval-konkýrsynyń jeńimpazy Tatıana Kýropatkına, «H-faktor» jobasynyń jeńimpazy Evgenıı Vyblov jáne «Jas qanat» baıqaýynyń bas júldegeri Parasat Otandar qatysty. Oblys ákiminiń orynbasary Ásem Núsipova barlyq jastarǵa «Belsendi qatysqany úshin!» maqtaý qaǵazy men alǵys hattardy tabystady.
Raýshan NUǴMANBEKOVA
