Senimdilikti nyǵaıtý – basty baǵdar

Sársenbi, 27 maýsym 2012 7:12

Qazaqstan halqy Assambleıasy Eýropadaǵy qaýipsizdik jáne yn­ty­­maqtastyq uıymymen óte tyǵyz qarym-qatynasta birneshe baǵytta berekeli jumys istep keledi. Sonyń biri ulttyq mektepterde kóptildilik júıeni, memlekettik tildi damytýǵa baılanysty beki­tilgen is-sharalar, memlekettik qyzmetkerlerdiń sala boıynsha biliktilikterin arttyrý, etnos­ara­lyq qarym-qaty­nas boıynsha monıtorıng júr­gizý jónindegi jobalar júzege asýda. Al osy ba­ǵyt­tardyń ishin­degi negizgisi de ereksheligi po­lıetnostyq Qazaq­standaǵy polısııa qyzmeti bolyp otyr. Halyq pen polısııa qyzmet­kerleriniń arasyndaǵy senimdi­likti nyǵaı­týǵa baılanysty 2008 jyly Qazaqstan halqy Assambleıa­sy men IIM arasynda syndarly qa­natqaqty joba engizilgen bolatyn.

Sársenbi, 27 maýsym 2012 7:12

Qazaqstan halqy Assambleıasy Eýropadaǵy qaýipsizdik jáne yn­ty­­maqtastyq uıymymen óte tyǵyz qarym-qatynasta birneshe baǵytta berekeli jumys istep keledi. Sonyń biri ulttyq mektepterde kóptildilik júıeni, memlekettik tildi damytýǵa baılanysty beki­tilgen is-sharalar, memlekettik qyzmetkerlerdiń sala boıynsha biliktilikterin arttyrý, etnos­ara­lyq qarym-qaty­nas boıynsha monıtorıng júr­gizý jónindegi jobalar júzege asýda. Al osy ba­ǵyt­tardyń ishin­degi negizgisi de ereksheligi po­lıetnostyq Qazaq­standaǵy polısııa qyzmeti bolyp otyr. Halyq pen polısııa qyzmet­kerleriniń arasyndaǵy senimdi­likti nyǵaı­týǵa baılanysty 2008 jyly Qazaqstan halqy Assambleıa­sy men IIM arasynda syndarly qa­natqaqty joba engizilgen bolatyn. Mine, osyǵan baılanysty keshe Qazaqstan halqy Assam­bleıasynyń hatshylyǵy men Ishki ister mınıstrligi EQYU-nyń Az ulttar isteri jónindegi Joǵarǵy komıssary jáne EQYU-nyń As­tanadaǵy ortalyǵymen birlesip «Qazaqstannyń polıetnostyq ortasynda polısııa qyzmetin atqa­rý» atty birlesken joba tanystyrylymyn ótkizdi.

Onda Qazaqstan halqy Assambleıasy Tóraǵasynyń orynbasary – Prezıdent Ákimshiligi QHA hatshylyǵynyń meńgerýshisi Eraly Toǵjanov, Qazaqstan Respýb­lıkasy Ishki ister mınıstriniń orynbasary Qaırat Tynybekov, EQYU-nyń Az ulttar isteri jó­nindegi Joǵarǵy komıssary, elshi Knýt Vollebek myrza, EQYU-nyń Astanadaǵy orta­ly­ǵynyń basshysy, elshi Natalıa Zarýdna hanym jáne t.b. sóz sóıledi.

Sóılegender polısııa qyzmeti memlekettik qyzmet júıesiniń barlyq salasynan kórinis tabady dep atap ótti. Aýylda da, aýdanda da, qalada da olardyń jumysy qaınap jatady. Sondyqtan, olar aralaspaıtyn másele joq. Endeshe, olardyń qyzmetiniń polı­et­nostyq saladaǵy mańyzy da zor. Soǵan oraı bul atalǵan sharanyń maqsaty da Qazaqstan men EQYU jınaqtaǵan osy saladaǵy táji­rıbeni ortaǵa salý, taldaý ozyq jáne nátıjeli baǵyttaryn qaras­tyrý bolyp tabyldy. Qazaqstan ár ýaqytta shetelderdiń tá­ji­rıbesin saraptap otyrady. Taldaý barysyna Adam quqyqtary jónindegi ýákil, Parlament Má­jilisiniń depýtattary, Qazaqstan Respýblıkasynyń mınıstrlik­teri men vedomstvolarynyń, Almaty jáne Ońtústik Qazaqstan oblystary ákimdikteriniń, EQYU-nyń AUJK keńsesiniń, halyqaralyq uıymdar, sheteldik sarapshylar, etnomádenı birles­tikter, úkimettik emes uıymdar ókilderi men Assambleıanyń ǵylymı-sarapshylyq keńesiniń músheleri qatysty.

Qazaqstan halqy Assambleıasy, Qazaqstan Respýblıkasynyń Ishki ister mınıstrligi, EQYU-nyń Az ulttar isteri jónindegi Joǵarǵy komıssary jáne EQYU-nyń Astanadaǵy ortalyǵy arasynda birlesken jobany júzege asyrý jónindegi atalǵan tarap­tar­dyń ózara qarym-qatynasyn retteıtin túsinistik týraly me­morandýmǵa qol qoıdy.

Joba 2012 jylǵy maýsym – 2013 jylǵy jeltoqsan araly­ǵyn­da Qazaqstan Respýblıka­sy­nyń Ishki ister mınıstrligi men EQYU-nyń Astanadaǵy ortaly­ǵynyń birlese uıymdastyrýy­men júzege asatyn bolady. Onyń júzege asýyna EQYU-nyń polısııa qyzmetiniń strategııalyq má­sele­ler bólimi men Ulybrıtanııa polısııa qyzmeti salasynyń sarapshylary qoldaý bildiredi. Jo­ba­nyń bastalýy jónindegi joǵa­ry deńgeıdegi is-sharany ótkizý­men qatar, Almaty jáne Ońtús­tik Qazaqstan oblystarynyń jo­ǵary jáne orta quramdaǵy polısııa ofıserleri úshin tájirıbelik semınarlar, oqý baǵdarlamasyn ázir­leý jónindegi birlesken ju­mys tobynyń otyrysyn, polısııa qyzmetkerlerin daıarlaý jó­nindegi oqý ortalyǵy úshin arnaıy mamandardy oqytý sharalaryn ótkizý josparlanyp otyr.

Aleksandr TASBOLATOV,

«Egemen Qazaqstan».