Qoǵam • 17 Sáýir, 2019

«Almaty Travel Fest» saıahatshylar forýmy ótedi

1037 ret kórsetildi

19 sáýirde «Týrızm jáne saıahat» 2019 kórmesi aıasynda «Almaty Travel Fest» saıahatshylar forýmy ótedi.

Bul áýesqoı saıahatshylar men kásibı mamandardy biriktiretin jáne belgili trevel-fotograftarmen, trevelblogerlermen, tilshilermen jáne basqa da týrıstik bıznes ókilderimen tanysýǵa arnalǵan biregeı alań. Aıta keter jaıt, atalmysh shara 2017 jyldan beri dástúrli túrde ótkizilip keledi. Forýmnyń uıymdastyrýshysy – «QazaqGeography» respýblıkalyq qoǵamdyq birlestigi men ITECA kompanııasy.

«Almaty Travel Fest 2019» qonaqtaryn qyzyqty áńgimeler men prezentasııalar túrinde tylsym syrǵa toly alys joldarǵa «saıahat» kútip tur. QazaqGeography-diń ekspedısııalary men Qazaqstannyń týrısterge arnalǵan tarıhı mekenderi, qoryqtary jaıly Nurjan Alǵashov sóz bastaıdy. Kórshiles Qyrǵyzstannyń tań qaldyrar tabıǵatyn Bishkeketen kelgen qonaq Azamat Akmatov baıandaıdy. Marokkonyń qupııalary jaıly Dınara Kalımova aıtyp berse, Reseı saıahatshysy Evgenıı Androsov Jańa Zelandııaǵa sapary jaıly sóz qozǵaıdy. Tanymal bloger Aleksandr Soı «soltústik jaryqtaryn» izdeýdegi óz hıkaıasyn baıandamaqshy. Laıfstaıl bloger Sáýle Sergazıevna Ońtústik Afrıkaǵa sapary kezindegi qyzyq oqıǵalarmen bólispekshi.

Aldyn ala myna silteme arqyly tirkelgender úshin kirý tegin: https://kitf.kz/ru/poluchite-bilet , promo-kod KITF19FEST. Forýmnyń aıaqtalýyna oraı «NSK» saqtandyrý kompanııasy men «SCAT» avıakompanııasynan baǵaly syılyqtar oınatylatyn bolady. Aıta keter jaıt, Nur-Sultan qalasynan Ulan-Batorǵa deıingi áýe bıletin utyp alýǵa da múmkindik bolady.

Sharanyń ótetin orny: Almaty qalasy, Atakent halyqaralyq kórme ortalyǵy, 11-pavılon.

Ýaqyty: 19 sáýir 2019 j., saǵat 10.30-dan 15.30-ǵa deıin

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar