QR Úkimetiniń Qaýlysymen Talǵat Jeńisuly Janjúmenov QR sıfrlyq damý, qorǵanys jáne aeroǵarysh ónerkásibi birinshi vıse-mınıstri bolyp taǵaıyndaldy.
T. Janjúmenov 1968 jyly Shyǵys Qazaqstan oblysynda dúnıege kelgen. Lenın komsomoly atyndaǵy Volsk Joǵary áskerı tyl ýchılıshesin, RF Qorǵanys mınıstrliginiń Áskerı tyl jáne kólik akademııasyn, RF Qarýly kúshteri Bas shtabynyń Áskerı akademııasyn támamdaǵan. Joǵary arnaıy áskerı, operatıvti-strategııalyq bilimi bar ofıser.
Eńbek jolyn 1989 jyly tank polkiniń azyq-túlik qyzmetiniń basshysy bolyp bastady. Túrli jyldary QR Áskerı áýe kúshterinde, QR Qarýly kúshterinde, QR Qorǵanys mınıstrliginde, QR Respýblıkalyq gvardııasynda, QR Qaýipsizdik Keńesinde qyzmet atqardy.
2001–2006 jyldary — QR Respýblıkalyq gvardııa qolbasshysynyń orynbasary.
2008–2010 jyldary — QR Qarýly kúshteriniń tyl bastyǵy.
2010–2013 jyldary — QR Qorǵanys mınıstriniń orynbasary.
2014–2015 jyldary — QR Prezıdenti Ákimshiliginiń Qaýipsizdik Keńesi Hatshylyǵynyń meńgerýshisiniń orynbasary.
2015–2016 jyldary — QR Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi.
2016 jylǵy qazannan bastap 2019 jylǵy sáýirge deıin QR qorǵanys mınıstriniń orynbasary qyzmetin atqardy.
