Qazaqstannyń Eńbek Eri, Memlekettik syılyqtyń laýreaty, tiginshi Lıdııa Kochetova demokratııalyq qoǵamda retimen, tártibimen bolatyn bul saılaý Qazaqstan úshin syndarly jańa kezeńniń bastaýy ekenin aıtty. Onyń aıtýynsha, Qasym-Jomart Toqaev Tuńǵysh Prezıdentimiz – Elbasynyń qasynda bolǵan senimdi serigi, ári izbasar kómekshisi.
«Táýelsizdigimizdiń nyǵaıýy, onyń baıandy bolýy úshin elimizdegi saıası turaqtylyq pen ekonomıkamyzdyń úzdiksiz damýy aýadaı qajet. El birligi men beıbitshiligi – basty qundylyǵymyz. Bul saılaý – eldegi beıbitshilik pen kelisimdi saqtaı otyryp, áleýmettik-saıası jańǵyrýǵa, álemniń úzdik elderi qataryna qosylý jolynda jańa demokratııalyq erkin bolashaqty qurýǵa múmkindik beredi. El tańdaǵan Memleket basshysy halyqtyń senimdi mandatyna aınalady», dep atap ótti Lıdııa Kochetova.
