Sot prosesi jalǵasýda
Senbi, 24 qarasha 2012 7:21
Taldyqorǵan qalalyq sotynda áskerı qyzmetshi V.Chelahtyń isi boıynsha prosess jalǵasýda. Keshe sot májilisi zalyna sottalýshynyń kelýi qamtamasyz etildi. Osylaısha, sot Chelahtyń anasynyń sottalýshyny sot zalyna ákelý týraly talaby qanaǵattandyryldy. Alaıda, májilis bastalysymen V.Chelah sot prosesine odan ári qatysýdan bas tartatynyn aıtyp, ózin sottalýshylar kamerasyna qaıtarýdy ótindi. Onyń ústine sottalýshy is boıynsha barlyq dálelder tekserilgennen keıin ǵana májiliske qatysatynyn málimdedi.
Senbi, 24 qarasha 2012 7:21
Taldyqorǵan qalalyq sotynda áskerı qyzmetshi V.Chelahtyń isi boıynsha prosess jalǵasýda. Keshe sot májilisi zalyna sottalýshynyń kelýi qamtamasyz etildi. Osylaısha, sot Chelahtyń anasynyń sottalýshyny sot zalyna ákelý týraly talaby qanaǵattandyryldy. Alaıda, májilis bastalysymen V.Chelah sot prosesine odan ári qatysýdan bas tartatynyn aıtyp, ózin sottalýshylar kamerasyna qaıtarýdy ótindi. Onyń ústine sottalýshy is boıynsha barlyq dálelder tekserilgennen keıin ǵana májiliske qatysatynyn málimdedi.
Advokat Sársenov bul ótinishti qanaǵattandyrýdy surap, prosesti V.Chelahtyń qatysýynsyz jalǵastyrǵan jón ekenin aıtty. Osy sátte Chelah sottalýshylar otyrǵan jerden julqyna shyǵyp, konvoı qyzmetine qarsylyq kórsetti. Sot 5 mınýttyq úzilis jarııalap, onyń barysynda sottalýshy májilis zalynan shyǵaryldy. Ári qaraı prosess Chelahtyń qatysýynsyz jalǵasty.
Májilistiń ekinshi jartysynda sot zardap shegýshiler ókilderin suraýǵa kóshti. Olar ózderiniń qaza tapqan týysqandary, shekara otrıadyndaǵy qyzmetteri, zardap shekkender otbasylarynyń «Arqankergen» beketindegi bolǵan oqıǵany qalaı bilgeni týraly áńgimelep, sottalýshyǵa qatysty ózderiniń pikirlerin bildirdi. Máselen, zardap shekken Sarınov, Ámirǵalıev, Qapanov, Súndetovtiń ókilderi Chelahtyń kináli ekendigine senimdi bolsa, Reı, Ilııasov, Aqyshev, Qydyralıev, Imenovanyń týysqandary ózderiniń pikirlerin sot pikirtalasy kezinde bildiretindikterin aıtty.
Sot májilisi kún saıyn tańerteńgi 9:30-dan keshki 19:00-ge deıin ashyq rejimde ótýde, dep habarlady Qazaqstan Respýblıkasy Áskerı sotynyń baspasóz qyzmeti.
