Úmittiń úrlep alaýyn

Juma, 3 tamyz 2012 7:26

Adam balasyna degen ómirdiń synaǵy kóp. Odan eshkim qashyp ta qutyla almaıdy, árkim ózinshe jol taýyp jatady. Alaıda, áli de sábı sezimnen arylmaǵan, aqyl toqtatpaǵan, býyny bekip, buǵanasy qatpaǵan balalardyń basyna túsken aýyrtpalyqtardy qabyrǵasy qaıyspaı kóterip, azamat bolyp ketýi bólek áńgime. Balalyq bal dáýrende jetimdik taýqymetin tartýdy eshkimniń peshenesine jazbasyn deńiz. Degenmen, ómir bolǵan soń biryńǵaı qýanyshtan turmaıtyny belgili.

Juma, 3 tamyz 2012 7:26

Adam balasyna degen ómirdiń synaǵy kóp. Odan eshkim qashyp ta qutyla almaıdy, árkim ózinshe jol taýyp jatady. Alaıda, áli de sábı sezimnen arylmaǵan, aqyl toqtatpaǵan, býyny bekip, buǵanasy qatpaǵan balalardyń basyna túsken aýyrtpalyqtardy qabyrǵasy qaıyspaı kóterip, azamat bolyp ketýi bólek áńgime. Balalyq bal dáýrende jetimdik taýqymetin tartýdy eshkimniń peshenesine jazbasyn deńiz. Degenmen, ómir bolǵan soń biryńǵaı qýanyshtan turmaıtyny belgili. Mine, osyndaıda ómir aıdynyna salǵan qaıyǵyńdy týra esip, úl­ken úmittiń alaýyn úrleý ekiniń biriniń qolynan kele bermeıtini de shyndyq. «Jesirin jatqa ber­meıtin, jetimin jylatpaıtyn» qazaqy qasıettiń de qadiri kete bastaǵan búgingi kúnde ata-ana­nyń aıaly alaqanynyń jylýyn sezinbeýden artyq qasiret joq shyǵar. Ras, jetimderdiń jetilip ketýin memleket moınyna alyp, úkimettik deńgeıde qamqorlyq ja­salýda. Sonyń ózinde jas shy­byq­taı solqyldap turǵan balalar úıleriniń túlekteri úshin syn saǵaty soǵatyn kez – osy bir taǵ­dyrdyń talqysynan múdirmeı ótip, ómir kóshine ilesip ketýi. Qýa­nyshy men renishi, qyzyǵy men qıyndyǵy qatar óriletin ómir­de óz jolyn tabýǵa talaptanyp, tym jaqsy jetistikterge jetken Medet Abdrahmanov týraly jyly sóz, jaqsy pikir estigende júzdesip, áńgimelesýge nıetimiz aýǵany shyn. Onyń ústine biz habarlasqan Jasóspirimder úıi­niń ádiskeri Lıda Qosemenova da ol týraly jaqsy lebiz bildirip, maqtaý sózder aıtty. «О́te sal­maq­­ty, minezi jumsaq, ádepti. Osynda turǵanda da tárbıe­lili­gimen kózge tústi. Armany bıik azamat bolaıyn dep turǵan bala. Til-kózim tasqa, dep bizdiń de kóńilimizdi kóterip tastady. Qı­yn­dyq kórgen kinámshil kóńildiń kiltin qalaı tabamyz dep jú­rek­sinińkirep otyrǵanymyzda bul kádimgideı demeý bolǵany ras. Osy oı jetegimen biz Medet jumys isteıtin «Halyq banki» AQ Aqtóbe fılıalyna kelgenbiz. Sharýalarmen shyǵyp ketken Me­detti sál kútýge týra keldi. Al­ǵashqy tanystyqtan soń áńgime arnasyn jumysy, búgingi tirli­gine aýdardyq. Oıy da, sózi de salmaqty, jyly júzdi jas ji­gittiń azamat bolyp qalyptasyp qalǵany ańǵarylady.
– Biz aǵaıyndy úsh jigitpiz. Hromtaý aýdany, Kóktóbe degen jerde turatyn ata-anamyzdan bir sátte aıyrylyp, ańyrap qaldyq. Qazir­ ǵoı jigitpiz dep otyr­ǵ­a­nym. 1997 jyly bizdi Alǵa balalar úıine ákelgende aǵam Jadyrasyn 8 synypqa, men 4 synyp­qa, al, kishi inim Rústem balalar baqshasyna baratyn jasta bolatynbyz. Bir kúnde ata-anasyz qalyp, taǵdyrdyń qatal úkimine moıynsunyp shyǵa keldik. Shyny kerek, Jadyrasyn es bilip qaldy ǵoı, onyń ústine balalar úıindegi jaǵdaı da bizdiń oqýy­myzǵa, tárbıeli bolyp ósýimizge yqpal etti. Men 2005 jyly Alǵa balalar úıindegi mektepti úzdik bitirip, Almaty ekonomıka jáne statıstıka ınstıtýtyna tústim. Oqý aqymdy jergilikti bılik pen ınstıtýt kóterdi. Men jazǵy demalys kezderinde úsh jyl qata­ry­­nan ózim tárbıelengen Alǵa ba­lalar úıinde lagerde tárbıe­shi bolyp jumys istep, qarjy taptym. Sóıtip, osy joǵary oqý ornyn támamdadym. Jumys su­rap «Halyq banki» AQ Aqtóbe fı­lıalynyń dırektory Apýajan Tólegenovaǵa kirdim. Shyny kerek, apaı talabymdy qup aldy. Sóıtip, oqý ortalyǵynda arnaıy kýrstan ótip, fılıal bólimshe­sin­de baqylaýshy-kassır bolyp qyzmetke turdym. 2010 jyly fı­lıal bas ǵımaratyna bólshek saýda ortalyǵyna aýysyp, osynda me­nedjer bolyp eńbek etip jatyrmyn, – dedi Medet baýyrymyz.
Alǵa balalar úıinen shyqqan ol oblys ortalyǵyndaǵy Jasós­pi­rimder úıinde turǵan. Oblys ákimdigi júzege asyryp jatqan joba aıasynda oǵan «Turǵyn­úı­qurylysjınaq» banki» AQ Aq­tóbe fılıalynan arnaıy jeke esepshot ashyp, 1 mıllıon teńge salady, aǵaıyndy Abdarahmanovtar 300 myń teńge jınap, qalǵan 1300 myń teńgeni sol bankiden azǵantaı ósimmen nesıege alyp, bir bólmeli páter satyp alǵan. Jeti jylǵa deıin aıyna 14 myń teńge tóleıdi. Qazir olar sonda turyp jatyr. Jadyrasyn «Te­ńiz» kenishinde ınjener-geolog bolyp jumys isteıdi. Rústem bolsa Saqtaǵan Báıishev atyn­da­ǵy Aqtóbe ýnıversıtetinde 3-shi kýrsta oqıdy. Qudaı qalasa, erteń-aq, bildeı azamat bolary sózsiz. Aldynda Jadyrasyndaı, Medetteı aǵasy úlgi kórsetip otyrǵanda inisiniń izderinen ereri kúmánsiz. Oǵan Medettiń ómirge degen aıqyn kózqarasy, jaqsy azamat bolýǵa degen talaby sen­dire túsedi. Ol ózi túlegen Alǵa balalar úıindegi ádemi ahýal jaı­ly jyly lebiz bildirdi, us­taz­­dary men tárbıeshilerin ys­tyq yqylaspen aýyzǵa alyp otyrdy.
Úlken ómirge úmitin úkilep qosyp otyrǵan ol jaqynda Altynaı degen arýǵa úılenetinin de qýanyshpen jetkizdi. Buǵan fılıal ujymy da qaltqysyz qýansa kerek. Fılıal dırektory Apýajan Tólegenova jas jubaılarǵa toı shashýy retinde 500 myń teńge bólipti. «Jaqsy adamǵa qaı jerde de bir kisilik oryn bar» degendeı Medettiń adamı, kásibı tazalyǵyn syılaǵandyq, apalyq qamqorlyq dep uǵyndyq biz mu­ny. Shyny kerek, «Jetim kórseń jebeı júr» degen qasıettiń altyn arqaýynyń úzilmegeni dep baǵaladyq ujym basshysynyń bul qadamyn.
– Altynaı da ózim sııaqty balalar úıiniń túlegi. Bir-birimizdi túsinemiz, ómirimizdiń shýaqty bolýyna tyrysamyz, – deıdi ol.
Medettiń qasynda eńbek ete­tin­der de órimdeı jas jigitter men qyzdar. Bári bir otbasynyń balalaryndaı yntymaqty. Me­detti surap kirgennen-aq, onymen habarlasyp, qazir keledi dep jik-jappar bolyp jatyr.
– Medetpen 2010 jyldan beri birge jumys istep kelemin. Basynda derbes qyzmet kórsetý ortalyǵynda assıstent-menedjer boldy, keıin osynda aýysty. Bank qyzmetine tóseldi, eńbek­qor, tapsyrmany tez oryndaıdy. Minezi jumsaq, adamdarmen til tabysýǵa beıil. Alda da bıik belesterdi baǵyndyratynyna senim mol, – deıdi bólshek saýda ortalyǵynyń bastyǵy Aınur Tańsyqbaeva.
– Aýylǵa ata-anamyzdyń basyna baryp turamyz. О́mirge adam bolyp kelgen soń óz or­nyń­dy tabý kerek. Bizdiń árqaı­sy­myzdyń armanymyz osy, – deıdi ol ashyla áńgimelesip.
Armany bıik, aldaǵy ómirine úlken úmitpen qaraıtyn jastyń óz bolashaǵynyń tuǵyryn ózi be­rik bekitýge umtylysyna rıza bol­dyq. Bastan ótken qıyn kú­n­der­diń esesin aldaǵy ómirdiń ádemiligimen qaıtarýǵa degen talpynys talapty jastyń bolasha­ǵynyń baıandy da baqytty bolatynyna sendire túsedi.
Satybaldy SÁÝIRBAI,
«Egemen Qazaqstan».
Aqtóbe oblysy.