Murat О́NAL: «Shahterdiń» reti kelmedi»
Eýropada fýtbol oınap júrgen jalǵyz qazaq fýtbolshysy Murat О́nal týraly gazetimizdiń ótken jylǵy 16 shildedegi nómirinde jazǵan edik. Sol maqaladan keıin Muratty el tanı bastady, elimizdegi fýtbol klýbtarynyń da qyzyǵýshylyǵyn týǵyzdy. О́tken jylǵy el chempıony – Qaraǵandynyń «Shahteri» alǵashqy bolyp bul fýtbolshyny Antalıada ótken oqý-jattyǵý jıyndaryna da shaqyrǵan edi. О́zin jaqsy jaǵynan kórsetip, bir daıyndyq matchynda tipti 2 gol soǵyp, 3 gol pasyn bergen Murat О́nal bul klýbpen kelisim-shartqa otyra almady.
Eýropada fýtbol oınap júrgen jalǵyz qazaq fýtbolshysy Murat О́nal týraly gazetimizdiń ótken jylǵy 16 shildedegi nómirinde jazǵan edik. Sol maqaladan keıin Muratty el tanı bastady, elimizdegi fýtbol klýbtarynyń da qyzyǵýshylyǵyn týǵyzdy. О́tken jylǵy el chempıony – Qaraǵandynyń «Shahteri» alǵashqy bolyp bul fýtbolshyny Antalıada ótken oqý-jattyǵý jıyndaryna da shaqyrǵan edi. О́zin jaqsy jaǵynan kórsetip, bir daıyndyq matchynda tipti 2 gol soǵyp, 3 gol pasyn bergen Murat О́nal bul klýbpen kelisim-shartqa otyra almady. Sebepterin bilý úshin Muratpen osy jattyǵý jıyndarynan keıin ǵalamtor arqyly áńgimelesken edik.
– «Shahterdiń» Antalıadaǵy oqý-jattyǵý jıynyna shaqyryldyń. Jalpy, bul jıyn sen úshin qalaı ótti?
– Oqý-jattyǵý jıyny jaqsy ótti, men úshin erekshe bir tájirıbe boldy. Myqty fýtbolshylarmen birge oınaý men úshin árqashan qyzyq. Qazaq fýtbolshylardyń tehnıkasy unady jáne olarmen qazaqsha sóılesip, oınaý óte keremet nárse.
– Komanda seni qalaı qarsy aldy?
– Komanda meni óte jaqsy qarsy aldy. Keıbir jigitter meniń ózimdi erkin sezinýim úshin qoldarynan kelgen kómekterin aıamady, olarǵa rızashylyqtarymdy bildiremin.
– «Shahtermen» kelisim-shartqa otyrmadyń, sebep ne boldy?
– Meni legıoner retinde ala almaıtyndyqtaryn aıtty. Iаǵnı, bul kvotaǵa olar basqa sheteldik fýtbolshylardy qaraýda. Al, meni eger Qazaqstan azamattyǵyn alsam komandaǵa alatyndaryn aıtty. Biraq, men Qazaqstan azamaty emespin. Klýb prezıdenti Erden Halılın meni komandaǵa alý úshin, azamattyq alyp berý úshin qolynan kelgenin jasady. Biraq, bir aptadan keıin mundaı qysqa merzimde azamattyq alý múmkin emes ekenin aıtty. Erden aǵaǵa rızamyn, ol qolynan kelgenin istedi, oǵan barlyq isi úshin alǵysymdy bildiremin. Demek, bul komandaǵa barý maǵan buıyrmaǵan.
– Basqa komandalardan shaqyrý kelse, barasyń ba?
– Fýtbolda barlyq nárse múmkin. Eshqashan “bolmaıdy” dep aıtýǵa bolmaıdy. Eger barlyq jaǵynan kelisip jatsaq, árıne, basqa komandalarǵa da barýǵa bolady.
Áńgimelesken Arshat ORAZOV, «Egemen Qazaqstan».
