Nur-Sultan qalasynyń Qazaqstan halqy Assambleıasyn damytý sheńberinde uıymdastyrylǵan aýqymdy is-sharaǵa Qazaqstan halqy Assambleıasy Tóraǵasynyń orynbasary, QHA Hatshylyǵynyń meńgerýshisi – J.Túımebaev, Qazaqstandaǵy О́zbekstan Respýblıkasynyń Tótenshe jáne О́kiletti Elshisi – S.Nııazhodjaev, Memlekettik syılyqtyń ıegeri, Naýaı eńbekterin qazaq tiline aýdarýshy, belgili jazýshy, epık aqyn – N.Aıtuly, sondaı-aq QR Parlamenti depýtattary, Qazaqstandaǵy Túrkııa, Ázirbaıjan, Qyrǵyzstan, Tájikstan Elshiliginiń ókilderi, Assambleıa músheleri, Qazaqstan jáne О́zbekstan jazýshylary men naýaıtanýshylary, qoǵam qaıratkerleri, ǵalymdar, aqyndar, etnomádenı jáne jastar birlestikteriniń ókilderi qatysty.
Keshti Nur-Sultan qalasynyń QHA Hatshylyǵynyń meńgerýshisi L.Qusaıynova: «Bizdiń Nur-Sultan qalasynyń Qazaqstan halqy Assambleıasyn damytý aıasynda eki jarqyn oqıǵany: О́zbekstandaǵy Qazaqstan jyly jáne Qazaqstandaǵy Jastar jylyn sabaqtastyra uıymdastyrǵan ádebı keshimizdiń maqsaty – eki el arasyndaǵy ózara yntymaqtastyqty nyǵaıtý jáne ózbek mádenıetin nasıhattaý», - degen sózdermen bastady.
Qazaqstan halqy Assambleıasy Tóraǵasynyń orynbasary, QHA Hatshylyǵynyń meńgerýshisi J.Túımebaev kelgen qonaqtarǵa alǵysyn bildirip, «Eki el arasyndaǵy berik dostyqtyń aıǵaǵy retinde ótip jatqan búgingi keshtiń mańyzy zor. Sebebi memleketter arasyndaǵy dostyq tek saýda-ekonomıkalyq saladan ǵana emes, mádenıet pen bilim salasynan da kórinis tabýy tıis», - deıdi.
Memlekettik syılyqtyń laýreaty, Naýaı eńbekterin qazaq tiline aýdarýshy, belgili jazýshy N.Aıtuly: «Búkil túrki halyqtarynyń mańdaıyna bitken jaryq juldyz Naýaıdyń shyǵarmalary ushan teńiz. Olardy zertteý, aýdarý urpaqtan urpaqqa jalǵasady. 30 jyldan beri onyń hamsasyn aýdaryp kele jatyrmyn. Jaqynda «Láıli-Májnúndi» aýdaryp, 550 bettik kitap qylyp shyǵardyq. Jalpy, túrki halyqtaryna ortaq ulylar týraly mektep oqýlyqtaryn jasaý qajet dep esepteımin. Jastaıynan ǵulamalardy jattap ósetin urpaq jaman bolmaıdy», - degen pikirimen bólisti.
QR Parlamenti Senatynyń depýtaty E.Mamytbekov «Naýaıdyń uly aqyn, oıshyl bolǵany bir bólek. Ol bedeldi memlekettik qaıratker de bolǵan. Naýaıdyń jaqyn dosy Husaıyn Baıqara Horasannyń ámiri bolǵan kezde, onyń mór saqtaýshysy qyzmetin atqarady da, keıin ýázir bolyp taǵaıyndalady. Sol kezderi ol ǵalymdar, sýretshiler, mýzykanttar men aqyndarǵa qamqorlyq jasaǵan. О́z qarjysyna joldar, kópirler, mektepter, sheberhanalar da saldyryp, halyq bedeline ıe bolǵanyna» nazar aýdartty.
QR Parlamenti Májilisiniń depýtaty S.Abdrahmanov óziniń baıandamasynda «QR Prezıdenti Qasym-Jomart Toqaevtyń alǵashqy prezıdenttik sapary kórshi О́zbekstan eline jasalýy – aǵaıyndy eki eldiń jaqyndyǵynyń nyshany, al Naýaı esimi – baýyrlas eki el arasyndaǵy altyn kópirlerdiń biri» dep, Nur-Sultan qalasynyń Qazaqstan halqy Assambleıasy shańyraǵynyń astynda ótip jatqan Naýaı keshin óte quptaıtynyn jetkizdi.
Qazaqstan men О́zbekstan arasyndaǵy tyǵyz qarym-qatynasty joǵary baǵalaıtyn Májilis depýtaty F.Qarataev: «Naýaıdyń shyǵarmalary qazaq tiline aýdarylyp, qazaq mektepterinde oqytylsa, uly Abaıdyń ózbek tiline aýdarylǵan eńbekteri О́zbekstanda keńinen taraǵan. Qazaqstanda 500 myńnan astam ózbek ókili ómir súrse, О́zbekstanda 1 mln qazaq turady, 400-den astam qazaq mektepteri de bar. Munyń bári eki eldiń jaqyndyǵy, dostyǵy. О́z tarapymyzdan, búgingi kesh barysynda ózbek etnomádenı ortalyǵyna Naýaıdyń qazaq tiline aýdarylǵan 50 kitabyn tabys etkeli otyrmyz», - dep nıet bildirdi.
«Naýaıdyń shyǵarmashylyǵy óte baı, 60 jyl ómir súrgen ǵulama 20 tom kitap jazǵany soǵan dálel. Onyń 500 jyl burynǵy shyǵarmalary qazirgi zaman týraly jazylǵandaı. Dostyq, yntymaqtastyq jaıynda jazǵan Á.Naýaı shyǵarmalaryna arnap uıymdastyrǵan búgingi kesh úshin Qazaqstan halqy Assambleıasyna alǵysymyz sheksiz» dep О́zbekstannyń memlekettik jáne qoǵam qaıratkeri, professor M.Ahmedov rızashylyǵyn bildirdi.
Shyǵarmashylyq kesh barysynda «Analar Amanaty» kórmesi men stýdentter arasynda mánerlep oqý boıynsha baıqaý ótkizildi.
