Rýhanııat • 28 Sáýir, 2019

Erjan Maksım MÝZ-TV syılyǵyn tapsyrý saltanatyna shaqyryldy

1070 ret

kórsetildi

1 mın

oqý úshin

«Golos. Detı» reseılik shoý-baǵdarlamasynyń fınalynda óner kórsetken qazaqstandyq ánshi Erjan Maksım MÝZ-TV telearnasynyń syılyq tapsyrý saltanatyna shaqyryldy. Bul týraly QazAqparat habarlady.

Qarlyǵash QURAMYS

Erjan Maksım MÝZ-TV syılyǵyn tapsyrý saltanatyna shaqyryldy

E.Maksımniń anasy Gúlmıra Álibektiń aıtýynsha, onymen MÝZ-TV telearnasynyń bas dırektory Arman Dáýletııarov sóılesken.

Ol Erjannyń «Golos. Detı» shoýynda tamasha óner kórsetkenin, biregeı talantymen osy baǵdarlamany tamashalaǵan mıllıondaǵan kórermenniń júregin jaýlap alǵanyn atap kórsetken. Sondyqtan ol syılyqsyz qalmaýy kerektigin aıtqan.

Endi ánshi anasymen birge 7 maýsym kúni MÝZ-TV-2019 syılyǵyn tapsyrý saltanatty sharasynda qyzyl kilemmen júrip ótetin bolady. Budan bólek, jas daryn basqa ártistermen qatar sahnada án salady.

«Balamnyń ónerin joǵary baǵalaǵany úshin MÝZ-TV arnasynyń basshysyna alǵysymyzdy aıtamyz. Buıyrsa, saltanatty sharaǵa baramyz», - dedi QazAqparat tilshisine Gúlmıra Álibek.

Aıta keteıik, Máskeýdegi «Megasport» sport saraıynda ótetin bul sharaǵa, sondaı-aq Qazaqstannan Dımash Qudaıbergen de arnaıy shaqyrylǵan.