Ádilqazy alqasyn bastaǵan otandyq sahnanyń jaryq juldyzy Danııar О́tegen Qostanaı oblysynyń daryndy balarynyń vokaldy qabiletterin baǵalap, Qostanaı aýdanyndaǵy Zatobol kentinen kelgen 11 jasar talantty ánshi Ábilmánsúr Ediresti tańdady. Endi balapan qanat ánshi Qazaqstannyń basqa aımaqtarynyń 16 fınalısterimen «Juldyzdy Arman úıinde» kezdesedi. Baıqaýdyń Sýperfınalyna daıyndalý maqsatynda balalar vokal, horeografııa jáne ártistik qabiletterin arttyratyn sabaqtarǵa qatysady.
Eske sala ketsek, 25 men 27 qazan kúnderi búldirshinder jobanyń aqtyq baǵdarlamalarynda óner kórsetip, baıqaýǵa arnaıy jazylǵan ánderdi oryndaıdy.
«Bala daýysy – 2019» baıqaýynyń jeńimpazy mýzykalyq oqý ornynda bilim alýǵa múmkindik beretin grant pen Dısneılend ertegiler álemine saıahat joldamasyn utyp alady.
Qostanaı
