Shymkentte 12,6 myń ga alqapqa egin egildi. 2019 jyldyń 1 toqsanynda atqarylǵan jumystardy qorytyndylaǵan sala basshysy úshinshi megapolıste aýyl sharýashylyǵyndaǵy negizgi kapıtalǵa salynǵan ınvestısııa kólemi 841 mln teńgeni quraǵandyǵyn tilge tıek etti.
«Osy jylǵa bekitilgen egis qurylymyna sáıkes, 24,1 myń ga egis egý josparlanyp, búginde naqty egilgen egis kólemi 12,6 myń ga alqapqa jetti. Onyń ishinde negizgi daqyldar: masaqty dándi daqyldar - 4,9 myń ga, maıly daqyldar - 2,4 myń ga jáne t.b. Búginde jalpy somasy 25,1 mlrd teńgeni quraıtyn 35 jobany iske asyrý josparlanýda. Onyń ishinde "Qarapaıym zattar ekonomıkasy" boıynsha 12,8 mlrd teńgeni quraıtyn aýyl sharýashylyǵyndaǵy 23 joba bar. Jyl basynan beri qalada "Sharıpov JK" jylyjaı sharýashylyǵy iske qosylǵan. Investısııanyń jalpy somasy - 600 mln teńgeni qurady», dedi Asqar Sákenuly.
