Baǵdarlamaǵa sáıkes kópbalaly analar úshin quny 500 myń teńge turatyn 100 grant bólingen. «Baqytty otbasy – Almaty» qory az qamtylǵan jáne kópbalaly otbasylarǵa 600 sertıfıkat tabystap úlgeripti. Onyń kópshiligi kıim-keshek, azyq-túlik, qajetti dári-dármekter alý úshin berilgen.
Qysqa merzimdi kýrstarda vızajıst, tiginshi, shashtaraz sekildi 60-tan astam mamandyq boıynsha daıyndyqtan ótýge bolady.
«Kópbalaly analarǵa, jaǵdaıy tómen otbasynyń áıelderine memleket tarapynan udaıy qamqorlyq kórsetiledi. Biraq, olardyń kópshiligi bul jaıynan habarsyz bolǵandyqtan, qazir biz túsindirý jumystaryn júrgizýdemiz. «Atameken», «Damý» qorlarynyń ókilderi de analarmen kezdesip, olarǵa qarjylaı qoldaý kórsete alatyndaryn jetkizýde» – deıdi «Baqytty otbasy» QQ qamqorshylyq keńesiniń sarapshysy Aqnur Jumabaeva.
